O Deputado de Promoción Económica e Social, Álvaro Santos Ramos, informou que a Deputación activou este luns a Bolsa de Emprego, na que se ofrecen 40 postos de traballo do Ben Empregado, así como o Servizo de Guía Laboral, co que o organismo provincial ofrece formación gratuíta para paliar as dificultades existentes na cidadanía a hora de enfrontarse a unha entrevista de traballo.
Álvaro Santos destacou que “hoxe puxemos en funcionamento a Bolsa de Emprego da Deputación, a través da que ofrecemos, nesta ocasión, 40 postos de traballo vencellados ao programa provincial Ben Empregado. Os interesados en participar, deberán cubrir o formulario que se atopa na web www.deputacionlugo.gal, no espazo do Ben Empregado, na que hai colgado un documento coa relación dos postos de traballo ofrecidos. Deste xeito, os desempregados deberán escoller o código do perfil no que estean interesados, e cubrir o formulario con esa referencia, para poder optar despois ao posto de traballo desexado”.
Concretamente, algúns dos perfís ofrecidos son: dependentes, camareiros, deseñador de ofertas turísticas, peóns gandeiros, axudante avícola, responsable de innovación en prevención de riscos laborais, condutores, monitores, especialistas en rehabilitación de pedra granítica ou peóns agrícolas.
O período de solicitudes será de 10 días naturais dende o día seguinte á súa publicación.
Guía Laboral
A través da Guía Laboral, a Deputación pon a disposición dos cidadáns os axentes de emprego da área de Promoción Económica e Social para ofrecerlles todo tipo de asesoramento, que poderá ser de xeito presencial, nas dependencias do Pazo de San Marcos, ou ben telemáticamente a través da plataforma online do Ben Empregado.
Santos Ramos explicou que, durante o transcorrer do Ben Empregado, os traballadores do departamento de Promoción Económica e Social, levaron a cabo máis de 6.000 entrevistas persoais para cubrir os postos de traballo. Estes profesionais da área de emprego atoparon deficiencias á hora de afrontar unha entrevista, elaborar un currículo, definir os perfís laborais ou adaptarse á realidade actual coas novas tecnoloxías.
É deste feito do que nace a idea de por en marcha a Guía de Laboral coa que se ofrecerá asesoramento en 3 niveis de actuación, que van en función do nivel de demanda dos usuarios deste servizo:
• Adecuación básica: no que se darán pautas para que quede claro que es, que queres e que buscas, e na que tamén se amosarán técnicas sobre a actitude e disposición necesaria nas entrevistas de traballo.
• Adecuación Media: no que se axustará mellor o perfil do traballador, atopando e detectando as necesidades de cadaquén e complementando as carencias que se poidan ter a de xeito personalizado.
• Adecuación Alta: na que se fará unha análise máis especializada para coñecer de preto, por exemplo, a importancia das redes sociais e plataformas web á hora de buscar traballo, así como incluso valorar a posibilidade de abrirse a novos campos de traballo relacionados coa súa formación ou profesión.
Dentro das actividades que se levarán a cabo dentro deste novo servizo destacan, titorías individualizadas, nas que se explicará, entre outros, como elaborar un CV ou una carta de presentación ou pautas para preparar adecuadamente unha entrevista de traballo; obradoiros, seminarios, mesas sectoriais, que tratarán sobre dinámicas de grupo; obradoiros de motivación, de autoemprego ou sobre as posibilidades que ofrecen as novas tecnoloxías.
O Deputado informou que “estes novos servizos intégranse dentro das políticas públicas de emprego vixentes agora mesmo no ente provincial, polo que non terá custe adicional algún para o ente provincial, nin será necesaria a contratación de novo persoal para que se encargue de prestar este servizo á cidadanía”.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
