Lugo, 26 de xaneiro de 2016.- A Consellería de Infraestruturas e Vivenda licita este martes no Diario Oficial de Galicia (DOG) obras de reparación nas estradas LU-540, LU-160 e LU-161 por un importe de 658.998 euros.
As actuacións previstas terán un prazo de execución de seis meses e suporán mellorar a seguridade vial e as condicións de circulación do tráfico rodado nestas estradas que vertebran os concellos de Mondoñedo, Alfoz, O Valadouro, Viveiro, Ourol, Muras e Xermade.
A delegada territorial, Raquel Arias, confirmaba este martes que o maior investimento -o 43% do total- realizarase na LU-160, onde se contempla a reforma das travesías de Mondoñedo e O Valadouro, entre outros treitos.
Nunha visita a Mondoñedo, Arias, que estivo acompañada polo tenente de alcalde do concello, Manuel Otero, entre outros membros do equipo de goberno local, explicou que se substituirán o firme e a sinalización dos 600 metros de travesía, “o que redundará en beneficio directo dos veciños e tamén dos usuarios da vía”, que atravesa os concellos de Mondoñedo, Alfoz e O Valadouro.
“A Xunta é consciente da necesidade de acometer estas obras de mantemento e mellora na rede de estradas da súa competencia, que contribúen á vertebración da nosa provincia, e neste contexto se enmarcan as licitacións que está a realizar a Consellería de Infraestrutura”, dixo a delegada, quen salientou que no caso concreto de hoxe a poboación beneficiada por estas actuacións ascende a 27.717 persoas.
Na LU-161, que comunica Landrove con Ferreira do Valadouro, realizaranse obras de reposición do firme en diversos treitos do concello de Viveiro, mentres que na LU-540 (que une Viveiro e Cabreiros) actuarase en varios puntos entre os quilómetros 8 e 33,160.
En xeral, as obras consistirán no fresado do firme existente e a posterior reposición con pavimento bituminoso, mediante a extensión dunha capa de rodadura de formigón asfáltico en todo o ancho dos carrís así.
Así mesmo, disporase unha nova sinalización horizontal e incluso, nalgúns tramos, construiranse cunetas formigonadas de seguridade.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
