Ugia Pedreira guiará na Mariña un curso de pandeireta “non convencional” dirixido tanto a iniciad@s coma experimentad@s e complementario ás aulas tradicionais individuais, escolas de música e grupos folclóricos.
O curso desenvolverase na Escola Vella de Rinlo (local social da Asociación de de Veciños O Cantal) os xoves a partir das 20.00 horas. O curso ten previso botar a andar o 11 de febreiro. @s interesad@s poden informase a través do teléfono 648 944 701 ou do enderezo electrónico ugia@folque.com.
Trátase dun espazo “para botar fóra a túa creatividade sonora a través da pandeireta e a voz” a través de:
– Improvisación sonora en xeral: vocal e percutiva, de melodías, letras, expresión.
– Reelaboración comunal das cantigas segundo o parecer do grupo.
– Creación de cancións novas a partir de formas galego-portuguesas (pero non só).
– Aprendizaxe de ritmos básicos da música tradicional galega.
– Cantigas de acompañamento para pandeireta da música tradicional galega.
– Atencionalidade da técnica vocal e da consciencia emocional, ao relacionamento que promove facer música con outr@s.
“Por petición popular de certas mulleres da zona mariñá volto a coller a pandeireta e adaptala ás miñas ideas e situación persoal, seguindo o camiño da obra musical que en última análise é o da miña vida á beira deste mar.
Comecei de maneira autodidata na adolescencia con este instrumento, cando aínda as pandeiretas tiñan sabor e son da pel do artesán de S. Lourenzo en Compostela. Alí aprendín con Felisa Segade na Asociación Brincadeira. Unha profesora de luxo boa coñecedora dos cantares de Aldea Galega e, sobre todo, unha boa intérprete de tímbrica xenéticamente orixinal.
O meu leit motivo é a busca da creación, construír cantigas sexa cunha pandeireta ou pedra. Por iso deixei a Asociación Brincadeira e comecei a adaptar o instrumento á miña forma de pensar.
Na época de Chouteria din aulas do Burgo das Nacións, tamén na Asociación Gomes Mouro de Ourense, ondenos espandimos en lindas jam-sesións, en Celeiro de Viveiro, nos Amigos da Gaita en Ribadeo, en S. Miguel de Reinante na As. F. O Arco da Velha onde din aulas a meninas pequenas. Depois continuei de forma máis explícita no Conservatorio de Música Tradicional e Folque de Lalín onde teño vivido as mellores jam-sesións da miña vida por ser libres.
…
Actualmente interésame, estudo e pesquiso sobre: a psicoloxía da voz, a prosódia do cantor-a, as entrañas do cantar o mapa emocional desta arte, o movemento e a voz como UM todo, a improvisación vocal ou instrumental, os nove esenciais de Anat Baniel como pequena alumna que son deles para trasladar á aprendizaxe do instrumento voz-pandeireta.
Un repertorio tan rico carregado de estratos xeolóxicos como o galego dá para aprender moito dunha mesma e en comunidade. A este nivel artístico nada parece intocável e aprendín que aprender baseáse fundamentalmente na variación para unha mellora da plasticidade cerebral. Por iso, impulso este curso a petición (curso, atelier, jam) para variar e continuar a investigar coa música que constantemente me salva. Variar, deixarse levar polo sistema parasimpático, esquecer as “boas maneiras”, as frías aptitudes de compostura vocal-instrumental, evadirnos un pouco do control e do palco convencional (necesario tamén). Artistas somos tod@s e os palcos están no día a día, horizontalmente. Acho cun sorriso ilusionante e así encaro esta proposición”.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
