O hotel restaurante O Cabazo, de Ribadeo, clausura este martes as xornadas do cocido e prepara a súa celebración de San Valentín

Ribadeo, 8 de febreiro de 2016.- O hotel restaurante O Cabazo, de Ribadeo, clausura este martes, día 9, as Xornadas do Cocido Tradicional, aínda que ofrece a posibilidade de continuar degustando este prato tan propio destas datas pero previo encargo.

O Cabazo continuará coas actividades programadas para este mes de febreiro coa celebración do San Valentín, para o que prepara un menú especial que poderá degustarse os días 13 e 14, sábado e domingo. Este menú estará composto polo aperitivo dúo de corazóns, filloas recheas de marisco regadas con crema de nécoras, solombro de porco ibérico albardado con atadiño de verduras e, de sobremesa, tarta de fresas e chocolate. Estes pratos estarán acompañados por viño branco ribeiro Señorío de Beade ou tinto mencía Alma e licores da terra. O prezo deste menú especial San Valentín é de 50 euros por parella.

O Cabazo tamén ofrece unha promoción que, ademais da cea, inclúe pernoctar en habitación dobre con almorzo por 100 euros parella. Todos os clientes que degusten o menú especial San Valentín entrarán no sorteo dunha noite na suite do hotel O Cabazo con botella de cava e almorzo incluídos.

Para participar en todas estas iniciativas organizadas polo hotel restaurante O Cabazo, de Ribadeo, as reservas poden realizarse no propio establecemento ou chamando ao teléfono 982.128.517.