Burela, 12 de febreiro de 2016. Burela acollerá en outubro o campionato autonómico de fútbol sala para persoas con discapacidade. O alcalde e os concelleiros de Deportes e Servizos Sociais mantiveron un encontro con representantes de Special Olympics ao que tamén acudiron membros de Eu Son e de Camiña. Cincocentas persoas se desprazarán a Burela o 15 de outubro con esa competición, algo que é un orgullo para o Concello.
O edil de Deportes explicou que “tivemos unha reunión no Concello coa directiva de Special Olympics Galicia e concedéronnos para o mes de outubro a celebración aquí do campionato autonómico de fútbol sala para persoas con discapacidade. É un orgullo que escollan Burela para facer ese evento, que vai mover en torno a 500 persoas, o que axudará un pouco á economía do noso pobo”.
Fernández Rey sinalou que “por parte do Concello vamos poñer todo o noso empeño en que saia ben e axudarlles en todo o que poidamos tanto con medios como economicamente”.
O alcalde, Alfredo Llano, dixo: “hai que ter en conta que Burela é un sitio onde se pode practicar e motivar ás persoas para xogar ao fútbol sala e evidentemente nosoutros vamos tratar de axudarlles en todo aquilo que estea na nosa man como Concello para que se leve adiante este trofeo, que lle chaman Carlos Outeiriño, en Burela neste ano 2016”.
O rexedor relatou que “van vir de todas as provincias galegas, comezará pola mañá e rematará sobre as sete da tarde. Utilizaremos todos os pavillóns que temos en Burela máis algún próximo, como pode ser en San Cibrao ou en Cangas de Foz”.
Para Llano trátase “dunha iniciativa extraordinaria e parécenos moi ben que elixiran Burela como destino deste campionato por moitas razóns: unha delas é a solidariedade e a motivación que lles dá a estes rapaces para ter a oportunidade de practicar un deporte moi bonito; e por outro lado, hai que ter en conta que Burela é unha poboación afeccionada ao fútbol sala, como está tremendamente demostrado ao longo de todos estes anos nos que temos dous equipos en Primeira División. Por tanto temos ambiente e espectáculo, así que nosoutros vamos poñer o que estea na nosa man para que sexa unha realidade e que despois rematen todos moi contentos e que lles queden moitas ganas de volver por aquí a todos os que veñan ese día”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
