Lugo, 12 de febreiro de 2016.- Preto de 3.000 fogares galegos impulsaron a modernización das súas cociñas e baños ao abeiro das axudas activadas pola Consellería de Economía, Emprego e Industria co programa Reforma15, desenvolvido coa colaboración activa do sector e que xuntou aos apoios da Xunta e as rebaixas das empresas adheridas acadaron cubrir arredor do 40% dos importes de mobiliario e materiais.
Entre as empresas colaboradoras destacou pola súa actividade na zona norte, Arias Nadela, con establecementos en Lugo e na Coruña. O director do Igape, Javier Aguilera, visitou este venres o centro emprazado na localidade lucense, onde destacou que as axudas concedidas a través do Igape no marco deste programa roldaron os 2 millóns de euros.
O programa Reforma15, que contou coa colaboración da asociación sectorial que agrupa ás empresas de materiais de construción (ASEMACO), conseguiu a adhesión de máis de 300 empresas con 380 establecementos subministradores de mobles e materiais de construción para cociñas e baños.
Durante a súa visita Aguilera tamén resaltou o efecto positivo da colaboración pública e privada no ámbito do Reforma 15, impulsando vendas por case 11 millóns de euros e mobilizando uns investimentos estimados en máis de 20 millóns, como resultado da dinamización da actividade e o emprego entre as empresas e autónomos do sector da construción.
Así mesmo, a través do programa Reforma15, o Igape apoiou as compras de materiais ou mobiliario para cociñas ou baños realizadas por particulares con axudas que oscilaron entre 200 e 1.000 euros, e que cubriron o 20% dos investimentos subvencionables. Pola súa parte, as empresas colaboradoras realizaron un desconto equivalente, polo que a rebaixa global das operacións roldou o 40%.
Con este programa, a Xunta de Galicia apoiou ás familias galegas no acondicionamento das súas vivendas para mellorar o seu confort, estimulando, ao mesmo tempo, a demanda en sectores relacionados coas reformas e a rehabilitacións de inmobles, contribuíndo así a xerar actividade e emprego entre as Pemes.
Javier Aguilera salientou que promover a actividade empresarial, para consolidar o crecemento económico e facilitar a creación de emprego, e tamén o obxectivo que busca a Consellería de Economía, Emprego e Industria coa activación de novas liñas de axuda para 2016. As convocatorias activadas a través do Igape están dotadas con máis de 30 millóns de euros e están orientadas a facilitar a realización de novos investimentos, a mellora da competitividade ou a internacionalización das empresas.
O Igape mantén aberta a convocatoria de programas como o Galicia Inviste para impulsar novos investimentos, ou o Galicia Emprende, para apoiar proxectos impulsados por novos emprendedores, dotados con case 16 millóns de euros. Convocou tamén o programa para impulsar proxectos no ámbito da fábrica 4.0 e, para mobilizar financiamento de circulante para as Pemes, activou o Resolve 2016 e un programa específico para explotacións leiteiras.
Por outra banda, o Instituto publicou axudas dotadas con case 10 millóns de euros para impulsar accións e estratexias individuais ou agrupadas de internacionalización para as Pemes, e para facilitar a contratación polas empresas de xestores expertos en comercio exterior.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
