O pentatleta internacional viveirense e triple medallista continental, Cristóbal Rodríguez, obtiña a pasada fin de semana a medalla de prata co equipo olímpico español no Open de España, celebrado na localidade do Prat en Barcelona, puntuable para o ránking olímpico.
Tras dar comezo a competición ás seis da madrugada o pentatleta de Viveiro era terceiro en natación cunha marca de 1,57 nos 200 metros libres, tan só superado polos británicos James Cooke, actual récord do mundo de natación en pentatlón, e Joseph Choong. En esgrima o pentatleta de Viveiro conseguría a segunda praza tras vencer en 30 combates. No sector de hípica foi penalizado por 3 paus, pero aguantaba a posición saíndo ben situado para a proba de carreira e tiro. Rodríguez, que arrastra problemas na súa perna dereita, tivo que ser infiltrado para poder correr e esta en man dos médicos e os fisios. Aínda así, e malia a atascárselle a arma, conquistaba a décima posición individual nunha competición do máis alto nivel internacional.
Á súa actuación hai que engadir as de Joan Gispert e Heredia que permitiron ao equipo nacional conquistar con estes tres deportistas a medalla de prata. Máis relegados quedaban o outro galego en liza, Raúl Blanco e o catalán Andy Sanz. O primeiro posto era para a potente Alemaña á que os españois plantaron cara e, a medalla de bronce, para Arxentina.
A boa actuación do equipo nacional permitiulles clasificarse de xeito directo para a Copa do Mundo do Cairo que se celebra entre o 25 e 28 de febreiro na cidade exipcia a onde España viaxará co mesmo equipo.
O pentatleta mariñán mostrábase satisfeito pola boa actuación e espera que coa melloría da súa perna poida realizar aínda mellores resultados.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
