Foz, 15 de Febreiro de 2016.- O BNG de Foz, a través das súas concelleiras Lorena Seivane e Teresa Rego, denuncia os novos recortes sanitarios que a Consellaría de Sanidade está aplicando no Centro de Saúde de Foz.
“Vimos novamente denunciar a situación de desleixo na asistencia sanitaria do Concello de Foz. Estamos aínda á espera (despois de 9 meses) dunha aclaración por parte do Sr alcalde sobre a eliminación, co seu consentimento e aprobación, da figura do médico de urxencias de tarde no centro de saúde de Foz, engadíndose este lamentable feito á perda do servizo de ambulancias nocturno no seu mandato anterior. Pois ben, agora a Consellaría de Sanidade, sabendo da pasividade e complicidade do alcalde, foi quen de apertar aínda máis os recortes no noso Concello, deixando o cadro de persoal baixo mínimos”, explicaron as nacionalistas.
Dende a pasada primavera de 2015 hai unha profesional de enfermería de baixa, que era cuberta en días alternos a media xornada por un profesional diferente cada día, até as últimas semanas en que se incrementa a cobertura diaria, mais aínda a media xornada, sen que se entenda ben este criterio a todas luces insuficiente nun cupo enorme. Non satisfeitos con esta carencia, dende setembro de 2015 hai un facultativo de baixa sen cubrir, perpetuándose a intersubstitución entre os compañeiros coa sobrecarga permanente que isto supón, este é un feito habitual no Centro de Saúde de Foz e en toda A Mariña, onde nunca se cobren as baixas de facultativos. Mais o delirio prodúcese nos días 22 e 25 de xaneiro en que por disfrute de permisos (é dicir, unha situación absolutamente anunciada e prevista) doutros facultativos e a mencionada baixa, queda o cadro da mañá con catro médicos menos, e para substituír aos catro o SERGAS envía un facultativo. Incrible, mais certo.
A maior desprezo para os usuarios e os traballadores, dende, aproximadamente, o verán de 2015 hai unha auxiliar de clínica de baixa sen substituír ningún día. O seu traballo é agora tarefa dunha soa auxiliar de clínica (é dicir, duplica o seu traballo) que en numerosas ocasións non é substituída en vacacións nin baixas. Isto supón que cando ambas faltan, algún outro servizo do Centro de Saúde (especialmente o de odontoloxía) teña que suspender algún procedemento citado previamente, coas conseguintes molestias nos doentes.
Temos que engadir e lamentar a ausencia de cobertura sistemática das baixas e permisos do persoal de servizos xerais, chegando a quedar a metade dos traballadores en numerosas ocasións.
Engádese a este esperpento na desasistencia do noso Centro de Saúde, a redución de xornada da pediatra, non cuberta dende hai anos, e a redución de xornada actual do odontólogo, tampouco cuberta.
En definitiva, unhas carencias na calidade da asistencia sanitaria do noso concello que por moito que comprazan ao Sr alcalde, son para o BNG-AA absolutamente inaceptables e esiximos que a Consellaría e o Sr Alcalde poñan todas as medidas (empezando por algo de interese e menos paripé como excusas de que non hai profesionais, que son imprevistos e as lerias habituais que acostuman para cubrir semellante vergoña), para garantir os dereitos sanitarios dos nosos veciños.
Estará conducida por Boris Vilar quen achegará segredos medioambientais e históricos en torno ao Río Sor. Unha ruta duns 9 km que comezará ás 10h no lugar de Morgallón. Info e inscricións en rutasgalicianorte@gmail.com.
Un home faleceu este domingo tras ser rescatado inconsciente da auga na praia de Llas, no concello de Foz. O aviso chegou ao 112 Galicia ás 17:15 horas a través de Urxencias Sanitarias de Galicia-061, que informaban de que acababan de sacalo da auga. Nese momento, estaban practicándolle manobras de reanimación, pero, malia os esforzos, só puideron confirmar o seu falecemento. No operativo interviñeron os servizos sanitarios e axentes da Garda Civil. Tamén se informou a Salvamento Marítimo e ao Servizo de Gardacostas de Galicia.
A conselleira do Mar asistiu aos actos da festividade da Virxe do Carmen, organizados pola confraría de pescadores Santiago Apóstol.
1° Lukman Ajao (TM Milagrosa). 2° Jiaqi Guo Chen (TM Monteporreiro). 3° Pedro Saavedra (Finisterre TM). 3° Eugenio Alonso (CD San Ciprián)
A Deputada asistiu á tradicional procesión marítima pola ría de Viveiro, na que a imaxe da patroa do mar foi acompañada por barcos engalanados con bandeiras e flores. Durante o percorrido, homenaxeouse aos mariñeiros falecidos, nun emotivo acto de recordo e respecto. Posteriormente, a Deputada sumouse á subida da imaxe da Virxe e á celebración da misa solemne, á que asistiron centos de veciños e veciñas, destacando “a importancia de manter as tradicións mariñeiras e a identidade cultural da Mariña lucense”.
Tivo un percorrido de 11 km pola espectacular contorna do conxunto histórico-artístico da Fábrica de Sargadelos. Foi unha xornada deportiva única, marcada polo bo tempo e un excelente ambiente. Parabéns tamén a Marcos Gómez e Manuel Eiras, segundo e terceiro na categoría masculina, e a Nía Franco e Sonia González, segunda e terceira na categoría feminina.
Estivo organizada polo Kayak de Foz co apoio da Vicepresidencia da Deputación de Lugo. Máis de 150 palistas participaron na competicion que reuniu unha vintena de clubs de toda Galiza.
