Mércores, 17 de febreiro de 2016.- O Grupo Provincial do PP vén de presentar unha moción para o seu debate no vindeiro Pleno do martes 23 na que solicita que o bipartito triplique a achega do Plan de Obras e Servizos (POS) para actuacións municipais en 2016. Os populares demandan ademais que a achega económica que fagan os Concellos ao POS non supere o 25% do importe total do plan, rebaixando á metade as achegas que facían ata o de agora.
Os populares seguen achegando propostas en positivo para tratar de desbloquear unha institución que socialistas e nacionalistas manteñen paralizada. “O PP non vai permitir que os dirixentes da institución provincial sigan de vacacións de maneira permanente”, explica a voceira, Elena Candia.
Así, amais desta iniciativa, o Grupo Popular Provincial xa ten demandando tamén que a Deputación asuma o financiamento do SAF, que respecte os acordos que se toman no Pleno ou en sociedades como Suplusa adoptados para mellorar as áreas industriais da provincia ou construír novos centros de maiores, un deles en O Caurel e outro en Portomarín.
A voceira do Grupo Provincial do PP lembra que o principal papel dos entes provinciais é o da cooperación cos concellos e o fomento do desenvolvemento económico e social, garantindo a prestación integral e adecuada na totalidade do territorio dos servizos de competencia municipal.
“A colaboración provincial resulta especialmente necesaria nas zonas rurais da nosa provincia, e por tanto nos pequenos concellos, onde a posta en práctica das políticas de desenvolvemento local e apoio administrativo podería dar lugar a excelentes resultados para os lucenses”, engade. A voceira considera que o POS que se vén aprobando por parte da Deputación nos últimos anos “é insuficiente economicamente”.
Tomando de exemplo o ano 2015, o Plan de Obras e Servizos da Deputación de Lugo contou cun importe total de 2.973.223,68 euros, dos cales 1.085.319,78 euros foron aportados polos concellos, 926.846,06 euros pola Deputación para obras municipais e 961.057,84 euros pola Deputación para a rede viaria provincial.
Polo tanto, das catro Deputacións galegas, no ano 2015 a Deputación de Lugo é a que menos achega ao Plan para obras municipais con 926.846,06 euros (asumindo o 50% das obras municipais), mentres que a Deputación de A Coruña achega 24.200.000 euros, a de Pontevedra 12.000.000 euros e a de Ourense 4.848.000 euros (asumindo todas menos a de Lugo o 100 % das obras municipais).
Así, na provincia de Lugo, os concellos achegan 1.085.319,78 euros, un importe superior que o que desembolsa a propia institución.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
