CERVO .- A asociación cultural A Sombriza de Cervo convoca o concurso de carteis contra a violencia de xénero “Móvete contra a violencia de xénero, elabora a túa cartelería para sensibilizar á sociedade” restrinxido a estudantes dos cursos de Educación Secundaria Obrigatoria e de Bacharelato dos institutos da Mariña. O premio e un DVD portátil, darase a coñecer o 25 de novembro, coincidindo co “Día internacional contra a violencia de xénero”. As persoas interesadas en participar teñen ata o día 12 de novembro para entregar os carteis.
Nota de Prensa
O traballo ganador coñecerase o 25 de novembro data na que se conmemora o día mundial para a erradicación do maltrato contra as mulleres
A ASOCIACIÓN CULTURAL “A SOMBRIZA” CONVOCA UN CONCURSO DE CARTEIS CONTRA A VIOLENCIA DE XÉNERO
* O colectivo que preside Geni Piñeiro, pon en marcha esta iniciativa baixo o título “Móvete contra a violencia de xénero, elabora a túa carteleria para sensibilizar á sociedade”
Cervo 23 de outubro de 2009.- A asociación cultural “A Sombriza” vén de facer pública a convocatoria dun concurso de carteis contra a violencia de xénero. A iniciativa está dirixida a estudantes dos cursos de Educación Secundaria Obrigatoria (ESO) e de Bacharelato dos distintos institutos da Mariña. Baixo o lema Móvete contra a violencia de xénero o colectivo que preside Geni Piñeiro pretende sensibilizar aos mais novos para que contribúan na tarefa de incentivar e fomentar na sociedade actitudes e valores que promovan o respecto entre homes e mulleres e sirvan para a eliminación dos malos tratos por razón de xénero ou sexistas.
O traballo ganador, que opta a un premio de un DVD PORTÁTIL, darase a coñecer o 25 de novembro, data na que se conmemora o día internacional contra a violencia de xénero. Antes, todos aqueles interesados en participar neste concurso poderán ir realizando os seus traballos ata o 12 de novembro, data na que membros deste colectivo cultural desprazaranse ata os distintos institutos da comarca, para recoller as propostas.
BASES DO CONCURSO
Os carteis que optan ao premio deberán ser orixinais e inéditos, non son válidos os que xa foron presentados noutros concursos e non deben supoñer en todo ou en parte, copia ou plaxio de obras publicadas doutros artistas. Cada concursante poderá presentar como máximo dous traballos con un lema diferente para cada un deles. Ademais de optar ao premio do DVD PORTATIL o colectivo cultural distribuirá o cartel ganador entre distintas entidades e administracións.
Como é lóxico todos os carteis e slogans presentados deberán versar sobre a violencia de xénero no ámbito familiar ou doméstico. Quedarán excluídos aqueles traballos que inclúan connotacións agresivas ou que danen á sensibilidade da xente. Obrigatoriamente os carteis, que poderán presentarse en calquera soporte e tamaño, deberán incluír o lema “25 de Novembro: Día Internacional para a eliminación da violencia contra as mulleres
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
