Lugo, 18 de febreiro do 2016.- O Pazo de Feiras e Congresos de Lugo volverá encherse un ano máis cos centos de persoas dispostas a desfrutar do máis selecto do panorama musical do rock galego e estatal co Festival A Candeloria. Xa se contan as horas para o comezo, que terá lugar este venres 19 e continuará o sábado 20.
Polo escenario deste evento pasarán 7 bandas galegas, xunto con outras bandas chegadas desde diversos puntos como Euskal Herria ou Cataluña.
O nacionalista Xosé Ferreiro, delegado de Cultura na Deputación de Lugo, presentou esta mañá o evento xunto con Manu Fernandez, integrante da AC A Candeloria e organizador do Festival. Ferreiro destacou a importancia de que sexan “mozas e mozos lucenses os promotores dun evento destas características, pois o Festival A Candeloria traspasa fronteiras mesmo fora de Galiza, e ven a encher Lugo de actividade nunha fin de semana que xa é unha referencia no calendario galego de Festivais”.
Destaca neste evento o éxito colleitado na pasada edición, enchendo o Pazo de Feiras e Congresos, que nesta ocasión volverá ofrecer concertos, zona de acampada e outro tipo de actividades de entretemento pensadas para que todo o mundo poida desfrutar da Candeloria.
O Festival A Candeloria volve apostar por grupos de moi diversos estilos, desde o punk pasando polo ska, o rock, o bravú e mesmo o folk, sendo na súa meirande parte bandas galegas quen forman o cartel.
Cantos de taberna, a Feira Candeloria e moitas actividades máis completan a programación deste Festival, toda a información está en http://acandeloria.org/.
Venres 19 de febreiro
21:00 Habelas Hainas
22:05 Aspencat
23:40 Narco
1:25 Zoo
2:55 Nao
4:25 Familia Caamagno
Sábado 20 de febreiro
13:00 Poetarras
20:15 Ataque Escampe
21:20 Diplomáticos de Montealto
23:10 Soziedad Alkohólika (SA)
1:00 El último ke zierre
2:45 Zënzar
4:15 Vendetta
O acto será este venres, 8 de maio, ás 20.30h na biblioteca El Viejo Pancho, conducido por Xermán Viluba.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
“O concerto queda posposto para outro domingo no que Toxo Guayaba nos poida acompañar. Iremos informando”, explican desde a organización.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
Foi promovida polo ximnasio ABFitness en colaboración co Concello de Ribadeo para promover a vida activa e o deporte neste municipio. O concelleiro de Deportes, Francisco José Silvent, declarou: “agardamos seguir a colaboración e que cheguen a este concello máis actividades e propostas para impulsar a vida activa e o estilo de vida saudable”.
López Campos salientou o apoio da Xunta a esta cita pola súa relevancia cultural e polo seu papel na dinamización do rural, así como pola forte implicación veciñal que a sostén. Durante o acto, entregou un dos premios do concurso escolar de relato e debuxo, integrado nun programa que combina artesanía, produtos de calidade, obradoiros e música. Pola súa banda, Iria Castro percorreu os postos das filloeiras, que ofreceron centos de racións deste doce tradicional aos numerosos visitantes. A deputada tamén visitou o punto de degustación de xamón de porco celta do programa Un gusto de rural, un rural degusto e o posto de divulgación Lambiscadas Científicas, dúas propostas impulsadas coa colaboración da Vicepresidencia da Deputación e integradas na programación da feira.
Carlos López destacou que a Deputación colabora con esta cita –a través dunha achega de 3.000€- porque é unha das celebracións gastronómicas máis coñecidas do norte de Galicia, capaz de poñer en valor a tradición culinaria e a riqueza natural do entorno. Durante toda a mañá tiveron lugar na contorna da Praza dos Fornos os concursos de lance e mosca, unha exhibición de pesca, a pesada e as clasificacións. Xa pola tarde, tras a entrega dos trofeos, tivo lugar a verbena a cargo de Suavecito e Pedro Bermdez.
