Ribadeo, 22 de febreiro de 2016.- A Concellaría da Igualdade pon en marcha o programa Laretas da Igualdade, co obxectivo de fomentar a igualdade e a prevención da violencia de xénero entre o alumnado da ESO. Inclúe sesións presenciais nos centros educativos todos os luns e venres e a convocatoria de dous concursos, un de carteis contra a violencia de xénero e outro de anuncios non sexistas ou vídeo memes, segundo deron a coñecer nesta xornada a edil Mariluz Álvarez Lastra e a responsable do CIM, Luísa Couceiro.
Desde a Concellaría de Igualdade, a través do Centro de Información ás Mulleres, levárase a cabo un programa formativo en materia de igualdade que se denomina #laretasdaigualdade nos centros de educación secundaria de Ribadeo. “A educación preséntase como factor clave para a igualdade e vén a ser un piar fundamental sobre o que se asentan as políticas de igualdade do Concello de Ribadeo”, dixo Álvarez Lastra.
A edil nacionalista subliña que “a educación é a mellor arma para combater a desigualdade, desaprender o modelo tradicional e incorporar novos conceptos que nos axuden a conseguir unha igualdade real e efectiva entre homes e mulleres. Un dos espazos de socialización máis importantes ao que nos enfrontamos é o colexio ou o instituto. Hoxe en día vense casos de violencia a idades máis temperás. A influenza de determinados programas de índole sexista está a deixar pegada na mocidade e faise preciso mudar o rumbo para chegar ao porto da igualdade e aos bas tratos. Ao sistema educativo hai que dotalo de ferramentas para combater o sexismo”.
#laretasdaigualdade é un programa orientado ao fomento da igualdade e á prevención da violencia de xénero entre o alumnado da ESO a través da posta en valor da aprendizaxe, da creatividade individual e grupal e da comunicación social. Luísa Couceiro e Mariluz Álvarez Lastra dixeron: “pretendemos coas accións que imos propoñer no marco de #laretasdaigualdade espallas en diversos formatos a mensaxe da igualdade e da non violencia contra as mulleres”.
“Por unha banda, #laretasdaigualdade comprende a dinamización entre todo o alumnado da ESO de Ribadeo dun concurso de carteis contra a violencia de xénero e, por outra, o desenvolvemento dun programa formativo en publicidade non sexista e creación dun guión publicitario, para alumnado de 3º e 4º da ESO, que finalizará tamén coa convocatoria dun concurso de anuncios non sexistas ou vídeo memes”, engaden desde o CIM.
As sesións presenciais xa en marcha nos centros educativos de Ribadeo. Iniciáronse este luns pola mañá e continuarán pola tarde no IES de Ribadeo Dionisio Gamallo Fierros e o venres no colexio Sagrado Corazón. Todos os luns e os venres o alumnado de 3º e 4º da ESO participará nas sesións do programa formativo #laretasdaigualdade.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
