Lugo, 22 de febreiro de 2016.- O Presidente, Darío Campos Conde, e o Deputado de Promoción Económica e Social, Álvaro Santos Ramos, presentaron este luns o LUGOWORK, o primeiro plan de emprego xuvenil participativo da provincia, pois a Deputación involucra no deseño do mesmo a todo o tecido empresarial lugués e á comunidade educativa co obxectivo de acadar unha maior inserción laboral rematada esta programación e potenciar os sectores produtivos. Así o destacou o Presidente, que adiantou o inicio da primeira fase desta programación.
Campos Conde destacou que LUGOWORK está dirixido a mozos lucenses desempregados de entre 18 a 30 anos. Conta con de 2 millóns de euros, que o organismo provincial foi capaz de captar da Unión Europea, concretamente do Fondo Social Europeo. Ofrece a un mínimo de 300 rapaces formación gratuíta para a súa inserción laboral por conta allea, é dicir, en empresas da provincia, que recibirán axudas de ata 4.200 euros para os custes salariais e de seguridade social dos novos traballadores durante 6 meses; ou a través do autoemprego, fomentando o emprendemento; opción na que os mozos recibirán directamente ata 3.000 euros para poñer en marcha os seus propios negocios.
Participación
O plan divídese en tres fases: a de diagnóstico, a de formación dos mozos e a de inserción laboral. O organismo provincial pon en marcha a primeira delas (diagnóstico) cuxo obxectivo é coñecer as necesidades do mercado laboral na provincia para axustar a oferta de emprego á demanda. “E para facer posible isto, é imprescindible o diálogo con todas as partes, co tecido empresarial e cos mozos desempregados, facendo o máis participativo posible o noso plan”, remarcou o Presidente.
Por este motivo, explicou Campos Conde, a Deputación porase en contacto de xeito inmediato con:
1.- todos os colectivos que representan ao tecido empresarial lugués, “que son os que verdadeiramente coñecen as súas necesidades; os que nos poden dicir que servizos se requiren para facer máis competitivos cada un dos sectores produtivos da provincia. E isto sen dúbida pasa pola formación para acadar unha especialización. É dicir, por conseguir traballadores que destaquen no mercado laboral polo servizo punteiro ou imprescindible que poden ofrecen ás entidades para a súa mellora. Queremos tapar estes vacios laborais con mozos desempregados para que comecen a traballar por conta allea ou a través das súas propias empresas, cumprindo, deste xeito, dous obxectivos: combater o paro xuvenil e facer máis forte ao conxunto do noso tecido empresarial”.
O Presidente puxo algún exemplo, apuntando que se falará, entre outros moitos, coa Confederación de Empresarios de Lugo; a Federación do Comercio ou a de Confrarías de Pescadores da Provincia; o Consello Regulador de Agricultura Ecolóxica de Galicia ou o da Denominación de Orixe da Ribeira Sacra; Sindicatos; entidades como Cruz Vermella ou Cogami; así como con Colexios Profesionais ou Asociacións, como pode ser a da Prensa de Lugo.
2.-“tamén nos poñeremos en contacto coas denominadas empresas tractoras e gacela, as que fomentan en maior medida o crecemento económico nesta provincia polo seu nivel de vendas e de traballadores, pois son as que máis recursos teñen para levar a cabo novas contratacións”. Por exemplo, Vestas, Puerto Celeiro, Armadores de Burela ou Igapan, entre outras moitas.
3.- “falaremos ademais coa Universidade ou cos Centros de Formación Profesional para poñernos en contacto directo cos mozos que remataron os seus estudos e non están a traballar. Queremos informalos sobre as necesidades laborais que en primeiro lugar nos traslade o conxunto do tecido empresarial, e, por suposto, coñecer os seus proxectos para contribuír a súa inserción laboral como emprendedores”, subliñou.
Xornada informativa, mesas sectorias e encontros
A Deputación celebrará a principios de marzo unha xornada informativa no Salón de Actos na que participarán representantes de todos os colectivos do tecido empresarial, de grandes entidades e da comunidade educativa. Esta será a primeira toma de contacto, pois, seguidamente, haberá encontros e mesas sectoriais con todos os implicados para, conxuntamente, definir os nichos de mercado. En base a este minucioso diagnóstico, deseñaranse as accións formativas.
Novo e mellorado plantexamento
Santos Ramos destacou “o novo e mellorado plantexamento” do LUGOWORK, pois a Deputación suma no mesmo a formación sobre os nichos de emprego que ofreceu a máis de 1.000 lucenses desempregados co Pacto Provincial polo Emprego, que contou con 8 millóns que a institución captou da Unión Europea; e o estudo da oferta laboral na provincia para equiparar á demanda que se fixo co Ben Empregado, que está a permitir que 500 lucenses no paro traballen en empresas e entidades da provincia que necesitaban persoal e ás que o organismo provincial subvenciona os custos salarias e da seguridade social. “E todo isto mellorado, pois facemos participativo o proceso de análise das oportunidades laborais que van a definir as accións formativas, involucrando no mesmo a todos os axentes implicados no mercado laboral. E, a maiores, e como outra das grandes novidades do LUGOWORK, tamén incorporamos a posibilidade de emprender dentro da nosa aposta polo emprendemento como saída laboral, que xera unha grande riqueza económica e social para a provincia; pois supón que grandes mentes lucenses se queden na provincia para desenvolver os seus proxectos e xerar novas oportunidades económicas”, remarcou.
Sistema Nacional de Garantía Xuvenil
O Deputado destacou, especialmente, un dos requisitos que establece a Unión Europea aos mozos para poder participar nesta programación. Trátase da obrigación de ter que estar inscrito no Sistema Nacional de Garantía Xuvenil. “Remarco isto porque detectamos que máis do 50% dos mozos lucenses no paro e de entre 18 e 30 anos non o están. Dende a Deputación levaremos a cabo unha campaña de información ao respecto para que o fagan e teñan a oportunidade de sumarse ao LUGOWORK”, adiantou Santos.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
