Santiago, 2 de marzo de 2016.- O director xeral de Enerxía e Minas, Ángel Bernardo Tahoces, participou este mércores na presentación da nova convocatoria do Plan Renove de Lousa 2016, activado un ano máis pola Consellería de Economía, Emprego e Industria na procura de seguir a desenvolver proxectos de renovación de cubertas e fachadas de edificios de vivendas con este material. Neste sentido, Bernardo Tahoces lembrou que a través deste Renove téñense impulsado 400 actuacións nos últimos 4 anos, que mobilizaron 8 millóns de euros contribuíndo á dinamización do sector e á eficiencia enerxética das vivendas galegas.
Para dar continuidade a estas cifras, explicou o director xeral, o Goberno galego ten activado unha nova convocatoria coa que aspira a mobilizar arredor de 1,7 millóns en 125 proxectos. Unhas obras, salientou, que contan como principal novidade a incorporación da renovación de fachadas, e que contribuirán ao incremento da demanda interna, supondo un impulso económico para os sectores auxiliares da lousa, ao tempo que facilitarán a creación ou mantemento dun centenar de empregos.
Estas actuacións, apuntou, diminuirán o gasto enerxético nas construcións, co conseguinte aforro económico, ao tempo que se incrementa a demanda local dun produto con “excelentes propiedades”.
O director xeral, que estivo acompañado polo xerente do Clúster da Pizarra, Severino González, e polo presidente da Asociación Nacional de Colocadores de Pizarra, Miguel Ángel Fernández, sinalou que os apoios cobren o 40% do total do custo subvencionable do proxecto. Entre estes custos, dun máximo de 70 euros por metro cadrado de cuberta, inclúense, ademais dos materiais, o desmontaxe das cubertas existentes e de montaxe das novas, así como os proxectos de arquitectura ou enxeñería necesarios e os custos de licenza.
“Este programa supón un paso máis na aposta do Goberno galego polo sector da lousa, fomentando o uso dun material que conta cunhas características especiais que a converten nun elemento de gran calidade para o seu uso como material de cubrición, contribuíndo así á redución dos consumos enerxéticos”, apuntou Bernardo Tahoces.
Neste sentido, o director xeral lembrou que o Renove de Lousa se enmarca no Plan de Vivenda Eficiente que está a promover o Goberno galego a través de distintas liñas de axudas que suman preto de 8 millóns de euros en dous campos de actuación: a mellora das infraestruturas cara a construcións máis eficientes e o emprego de fontes de enerxía renovables.
O liderado galego
Deste xeito, o Renove de lousa incide no aforro e a eficiencia enerxética ao tempo que impulsa un produto no que Galicia ocupa unha posición de liderado. Así, explicou, España é o principal produtor de lousa para cubertas a nivel mundial, con 500.000 toneladas anuais, achegando Galicia o 60% desta produción.
“O sector da lousa en Galicia, integra toda a cadea de valor da industria –desde a extracción á colocación- xerando preto de 12.500 postos de traballo entre emprego directo e indirecto”, afondou Bernardo Tahoces. Por este motivo, sinalou, a Consellería, xunto a este programa, vén promovendo outro tipo de actuacións encamiñadas ao impulso da mellora competitiva e á innovación, incentivando e facilitando a investigación, colaborando co Clúster, e apoiando ao centro tecnolóxico da lousa no seu importante labor de I+D+i en materia de prevención de riscos laborais.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
