Orzamento.– 1. Cálculo anticipado do custo dunha obra ou dun servizo. 2. Cantidade que se destina para certo gasto. SIN. Presuposto. É unha previsión de futuro.
Era o mes de outubro e o neno miraba con degoiro as bicicleta dos seu amigos. El tamén quería unha e pensou en pedirlla a súa nai para os Reis.
-Non te preocupes, meu rei, que coa paga extra do Nadal habémosche comprar a bicicleta para que sexas coma os demais.
O neno quedou satisfeito e, choutando, foi xogar cos seu amigos e contarlles que el tamén ía ter unha bicicleta.
No mes de novembro a empresa do pai fixo un ERE e a familia quedou sen a paga extra do Nadal. Á nai entroulle angustia de non poder cumprir a promesa que lle fixera ao fillo. Tiña dúas alternativas: sacar os cartos doutras necesidades ou pedir un préstamos para comprar a bicicleta. No primeiro caso terían que privarse de comer e de vestir, no segundo caso quedaría empeñados e a bicicleta sairía máis cara por mor dos xuros. Así que optaron por non cumprir a promesa, e cando chegaron os Reis o neno quedou frustrado sen o agasallo prometido. O presuposto fóra un desastre.
Isto mesmo pasa ano tras ano cos orzamentos do Estado, da Xunta e dos concellos. E unha vez e outra vez os cidadán volvemos crer nas promesas e ficamos frustrados unha e outra vagada ao final de cada ano. E todos seguimos tropezando múltiples veces na mesma pedra, dando unha grande importancia mediática á discusión dos presupostos e esquecéndonos de como se executou o do ano anterior. Para os partidos que gobernan en cada administración e que son os responsables de facer as promesas (orzamentos) sempre son bos e xenerosos, para a oposición, en cada caso, son sempre malos.
Neste ano chégase a incongruencia de que o PP critica os orzamentos do Estado e eloxia os da Xunta, cando unha boa parte dos presupostos galegos dependen das transferencias do Estado. Isto dálle máis credibilidade e realismo ao circo informativo e á demagoxia no que ultimamente se está convertendo a política neste país. E todos os partidos caen no mesmo comportamento.
Eu penso que chegado este tempo, independentemente do que fixera o goberno de cada administración coas previsións de futuro, o que se debera estar discutindo e aclarando para toda a cidadanía debera ser o cumprimento e execucións dos orzamentos anteriores. Debérannos estar explicando canto se prevía ingresar no ano 2009 e canto se ingresou en realidade, cantos cartos se consignaron para cada obra e cantos se gastaron, que actividades se presupoñía que se ían facer e cantas se executaron. Só deste xeito poderíamos valorar a capacidade de xestión de cada goberno e recapacitar sobre se debemos crer ou non as reiteradas promesas de cada ano, que na maior parte dos casos rematarían en frustración, como lle ocorreu ao neno coa súa desexada bicicleta.
Se isto non se fai, supoño que será porque a ninguén lle gusta quedar co cu ao aire.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
