A Deputación, Concello e tecido asociativo, suman os seus esforzos e convidan á cidadanía a sumarse á Quedada pola Igualdade reivindicativa para conmemorar o Día Internacional da Muller, o vindeiro 8 de marzo, ás 19.00 horas diante da Praza de San Marcos.
A Deputada de Ensino, Educación, Economía do Coñecemento, Igualdade e Mocidade, María Loureiro, acompañada pola Concelleira de Igualdade de Lugo, Ana Abelleira, e as representantes de FADEMUR, Patricia Roca e Sofia Arias, da asociación de Empresarias, Patricia Varela, das Autónomas de Lugo, Marta López e da Federación de Veciños, Fernando Rois e Jose M. Carballo, anunciou este venres que están convidando a tódolos colectivos da provincia para que se sumen a este encontro.
“Animamos a todos os veciños para que o dia 8, ás 19:00 horas, diante do Pazo de San Marcos, participen nesta xornada reivindicativa. O que queremos é sumar esforzos para reclamar a igualdade de oportunidade entre homes e mulleres”, dixo Loureiro.
Ademais, a Deputada avanzou algunha das actividades que haberá nese encontro “lerase un manifesto, amosaremos varios vídeos para poñer en valor o importante valor das mulleres, e colocaremos varios paneis na Praza de San Marcos para que a xente nos deixe a súa frase pola igualdade”, pero anuncia que haberá mais sorpresas.
María Loureiro subliñou que é moi necesario conmemorar esta data “os datos falan por si mesmos, hoxe as mulleres temos que traballar 79 días máis ao ano para recibir as mesmas retribucións que os homes, e na nosa Comunidade o 50% das mulleres activas están por debaixo do umbral da pobreza”, resumiu.
Por iso insistiu no chamamento á participación “o día 8 é un día de celebración e de reivindicación e unha data para seguir loitando polos dereitos das mulleres. Por todo iso, esperamos contar con todos vós o vindeiro martes ás 19:00 horas da tarde na Quedada pola Igualdade de Xénero”, concluíu.
Pola súa parte a Concelleira de Igualdade en Lugo, Ana González Abelleira anunciou que o Concello de Lugo “organiza un Concerto Solidario ProRefuxiados, no Auditorio Gustavo Freire ás 21:00 horas”. As entradas poden retirarse en www.ticketea.com, o recadado ira destinado integramente a Medicos sin Fronteras.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
