A Mariña, 18 de marzo de 2016.- O presidente da Mancomunidade de Municipios da Mariña, Alfredo Llano, entrevistábase este venres en Lugo co Xefe da Unidade de Estradas da Provincia en Lugo, Héctor Presas, para plantexarlle a necesidade de adoptar medidas que eviten a invasión de animais salvaxes na A-8.
Alfredo Llano subliñou que “estivemos falando de cómo solucionar ese problema, o do paso de animais salvaxes pola A-8, que é relativamente frecuente. Estamos de acordo en que ese problema xa debera ser solucionado cando se construíu a autovía”
O presidente da Mancomunidade de Municipios da Mariña sinalou que “o primeiro que se vai procurar facer é reforzar o valado que vai paralelo á A-8 naqueles puntos que se vexa que son máis críticos e estatisticamente máis preocupantes, e procurar que os animais salvaxes se desvíen a pasos naturais sen ter que atravesar a autovía, pero iso non é unha cuestión de Fomento senón de Medio Ambiente ou de quen corresponda. A intencionalidade é clara, hai que procurar evitar este tipo de accidentes”.
Llano referiuse tamén á estrada N-642: “estivemos falando tamén da N-642, que é a arteria principal da Mariña en cuestión de tráfico. Dicir, por exemplo, que nun mes normal como pode ser este de marzo ven tendo unha densidade de tráfico de case nove mil vehículos diarios e nos meses de xullo e agosto está próximos aos doce mil vehículos diarios. Tamén estamos de acordo en que hai que ter a vía ben preparada. Nos últimos cinco anos case non se fixo nada do mantemento necesario que tiña que haber e agora xuntouse todo e están facendo obra procurando amañar aquilo que non se fixo. Parece ser que xa hai un proxecto de mellora do asfaltado durante todo o seu percorrido ata O Vicedo e estase procurando executalo por tramos”.
O presidente da Mancomunidade manifestou que “tamén me interesei pola construción da autovía que vai desde Barreiros a San Cibrao e dixéronme que está agora mesmo avanzado o proxecto de Barreiros a Foz e evidentemente iso solucionaría un pouco todos os problemas que estamos tendo polo tráfico masivo na N-642. É unha boa noticia pensar que xa se está facendo ese proxecto no tramo de Barreiros a Foz, que sería o primeiro treito, e loxicamente cando se chegue a San Cibrao seguir ca vía de alta capacidade, que é unha responsabilidade da Xunta e tamén debe seguir con ela. Contábamos que houbese xa orzamento para facela, estanse dando os pasos rápidos a ver tamén como vai quedando o goberno do Estado e si se apura porque é un proxecto vital para a nosa comarca”.
Alfredo Llano indicou que “outro dos asuntos que lle comentei a Héctor Presas foi a necesidade de mellorar a sinalización do concello de Burela que ten carteis moi pequenos e en desuso e non informan ben na N-642, o que ocasiona que algunhas veces a xente se perde e non chegue a Burela. Quedamos en que se van colocar carteis de indicadores de distancia previos ao desvío cara a Burela, tanto vindo de Foz como de Viveiro”.
Llano concluíu que “a conversa de hoxe penso que foi moi positiva e tamén aprendín moitas cousas e polo tanto vou satisfeito. Imos agardar agora a ver qué sucede, pero polo menos vemos que hai intencionalidade clara de resolver os problemas da Mariña en cuestión de tráfico”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
