O Goberno Provincial da Deputación salva por segunda vez a construción e equipamento dun centro de día no Vicedo, concretamente na segunda planta da Casa do Mar que xa se está a remodelar, “en claro beneficio dos veciños deste municipio”. Así o remarcou o voceiro socialista, Álvaro Santos Ramos, logo de que a Xunta de Goberno aprobase ampliar o prazo de xustificación das obras para poder ingresar ao Concello os 149.000 euros da fase 1 destes traballos. A primeira vez que o Executivo lugués salvou estas actuacións foi tras a decisión persoal do Presidente, Darío Campos Conde, de dotalas de consignación orzamentaria e incorporalas á súa proposta de Orzamento para 2016. Fíxoo logo de abordar a necesidade desta dotación social cos veciños e co Alcalde.
O voceiro provincial socialista aclarou que “o Presidente é o responsable de salvar a construción dun centro de día no Vicedo, pois estas obras están incluídas no Orzamento da Deputación para 2016 porque así o decidiu el mesmo, como máximo responsable legal que é das contas provinciais, aínda que algúns non queiran ou non lles interese recoñecelo. Cómpre lembrar, que o Goberno de Candia prometeu estas actuacións, como fixo con outras 16 en Concellos gobernados todos eles polo Partido Popular, pero non deixou comprometido o orzamento imprescindible para levalas a cabo. Foi Darío Campos o que decidiu manter este compromiso, respectando o interese dos veciños do Vicedo e do propio Alcalde, con quen se reuniu, precisamente, para abordar a necesidade de executar estas actuacións”. Tras esta reunión, o Presidente decidiu financialas con case 400.000 euros en dúas anualidades (149.000 euros no 2016 e preto de 206.000 euros no 2017).
“Hoxe salvamos por segunda vez estes traballos ao acordar ampliar o prazo de xustificación das obras para que o Concello poida rematalas. Este prazo culminaba en maio. Tendo en conta isto, así como o avance das obras, o Presidente alertou ao Alcalde para que solicitase oficialmente unha prorroga, que é o que aprobamos hoxe”, avanzou.
“E isto non é a primeira vez que sucede. Ao día seguinte de aprobar de xeito inicial o Presuposto de 2016, celebramos unha Xunta de Goberno Extraordinario para salvar obras de 750.000 euros en 7 Concellos da provincia en claro beneficio dos veciños”. Santos Ramos fixo referencias a actuacións nos municipios de Paradela, Baleira, Sober, Cervo, Pantón, Monterroso e Guitiriz.
Emprego
A Xunta de Goberno resolveu a contratación dun desempregado lucense, que comezará a traballar como camareiro nun establecemento do Concello de Triacastela. Tamén, acordou unha nova entidade beneficiaria do Ben Empregado, que solicita un axudante de panadeiro e repartidor para O Páramo. O luns, publicarase en www.deputacionlugo.gal, concretamente na Bolsa de Emprego, este novo posto de traballo. Os interesados disporán de 10 días para inscribirse.
O evento comezou cunha misa na igrexa parroquial de Santa María de Meira e a continuación, tivo lugar o tradicional xantar no Pavillón dos Deportes e o recoñecemento ao home e á muller de maior idade do municipio. Nesta xornada de convivencia, Fernández Méndez puxo en valor a contribución das persoas maiores á sociedade e enxalzou o seu papel activo no municipio, “é unha satisfacción compartir este día coas nosas persoas maiores, que tanto teñen achegado á sociedade e que merecen espazos de encontro e celebración como este”.
Será desde as 11 horas. Trátase dun reto por parellas no que enxeño, concentración e traballo en equipo serán claves para completar o puzzle no menor tempo posible. Agárdase a participación duns 40 equipos e haberá premios para os tres mellores tempos e un recoñecemento ao mellor tempo local. O Concello de Cervo anima a apoiar
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
A mostra permanecerá aberta ao público ata o 4 de novembro.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
