Santiago, 23 de abril de 2016.- A Xunta, a través do Instituto Galego da Vivenda e Solo intensificará os labores de inspección nas vivendas de promoción pública da súa propiedade, adxudicadas tanto réxime de alugueiro como de compravenda, co dobre obxectivo de comprobar a efectiva ocupación das mesmas polos seus adxudicatarios e evitar os impagos por parte daqueles inquilinos que dispoñen de ingresos suficientes.
Con tal fin, o IGVS remitirá unha comunicación a todos os adxudicatarios con débedas pendentes, que deberán acreditar, se é o caso, a imposibilidade de facer fronte ao seu pago. De ser así, o Instituto Galego da Vivenda e Solo buscará acordos que ofrezan aos adxudicatarios facilidades para afrontar as débedas.
Aumentaranse as inspeccións co obxectivo de garantir que as máis vivendas que compoñen o parque público de vivenda en alugueiro e as que foron adxudicadas en réxime de compravenda estean ocupadas polos seus destinatarios, que son, por regra xeral, familias con ingresos inferiores a 1,5 veces o Iprem no caso do alugueiro e de 2,5 veces o Iprem no caso da compravenda.
Ao mesmo tempo, evitarase o impago do alugueiro por parte de quen ten medios suficientes para facer fronte a mensualidades reducidas, o que supón un comportamento insolidario coa meirande dos adxudicatarios que cumpren escrupulosamente as súas obrigas e cos demandantes de vivenda de promoción pública.
A intensificación das inspeccións é unha medida incluída no Plan rehaVIta, o plan galego de rehabilitación, alugueiro e mellor acceso á vivenda 2015-2020, que prevé accións destinadas á xestión das vivendas públicas, co obxectivo de facilitar o acceso á vivenda dos sectores con maiores dificultades, facilitar a existencia dun parque adecuado e suficiente de vivenda publica en arrendamento, minimizar a falta de pagamento da renda, dos gastos de comunidade e IBI, evitar o mal uso e conservación da vivenda.
Por outra banda, o Plan rehaVita prevé medidas para adecuar a renda mensual ás variacións de ingresos do inquilino, propoñendo a adquisición da vivenda ou a resolución do contrato cando o seu nivel de ingresos supere unha contía determinada que garanta o seu acceso á vivenda en propiedade.
Entre as medidas previstas no Plan RehaVIta está a determinación de prezos de renda fixos, establecendo bonificacións en función das circunstancias persoais e familiares do adxudicatario. Ao mesmo tempo, está previsto revisar anualmente o importe da renda a pagar, para adecuala ás posibles variacións rexistradas nos ingresos dos adxudicatarios, garantindo desta maneira que as mensualidades a pagar se axusten ás posibilidades reais de pago de cada adxudicatario en función dos seus ingresos.
O mantemento do parque público de vivenda en alugueiro tivo un custe para a Xunta en 2015 de máis de 5,6 millóns de euro, xa que supuxo un investimento de 2,6 millóns de euros no pago de cotas de comunidade, IBI, reparacións, derramas por obras realizadas polas comunidades, etc. e, por outra parte, o importe das bonificacións aplicadas aos adxudicatarios no prezo do aluguer acadou os 3 millóns de euros.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
A clientela aproveitou esta cita para facerse con artigos de tempada a prezos moi interesantes. É a segunda vez neste mes de agosto que se celebrou o Comercio na Rúa en Ribadeo. Para a organización desta campaña Acisa contou coa colaboración do Concello de Ribadeo, Comercio Galego e Xunta de Galicia.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
