Xove, 7 de xuño de 2016.- A delegada territorial da Xunta, Raquel Arias, analizou este martes co alcalde de Xove, Demetrio Salgueiro, os pormenores das obras de acondicionamento e mellora da seguridade nas gradas da piscina municipal que se acometerán a cargo da Orde da Xunta pola que se convocan axudas aos concellos para creación ou mellora de Infraestruturas de uso público. No encontro tamén participaron representantes do Club de natación e da Asociación cultural e deportiva de Xove.
Arias salientou que mellorar as instalacións e os servizos públicos “sen que supoña unha carga para as administracións locais” é o obxectivo da ducia de obras que vai a executar a Xunta por medio desta orde da Vicepresidencia e Consellería de Presidencia, Administracións Públicas e Xustiza noutros tantos concellos da comarca da Mariña, incluído o de Xove, no que a actuación suporá un investimento de máis de 46.000 euros.
As axudas concedidas teñen por obxecto financiar infraestruturas que beneficien directamente aos veciños, que van dende a optimización enerxética das redes de iluminación pública; á ampliación, rehabilitación ou mellora de dependencias deportivas ou culturais ou á pavimentación de camiños. “Que contribúan a garantir, en definitiva”, explicou a delegada da Xunta, “o equilibrio territorial e que todos os galegos teña unhas óptimas condicións de vida e uns servizos axeitados con independencia do lugar onde residan”.
A execución destes proxectos conta co cofinanciamento do Fondo Europeo Agrícola de Desenvolvemento Rural (Feader), a través dos fondos incluídos no Programa de Desenvolvemento Rural de Galicia 2014-2020. As axudas económicas concedidas financian o 80% do orzamento da obra ou equipamento que se vai realizar, co límite de 40.000 euros para as solicitudes individuais de concellos e 50.000 euros para as solicitudes formuladas conxuntamente por varios concellos.
Así, en Barreiros reurbanizarase o contorno do teleclube en San Cosme; en Burela procederase á reposición de pavimento e substitución de xogos infantís; en Cervo pavimentaranse os accesos ao polideportivo de Rúa; e en Foz reformarase o alumeado público no paseo da Ribeira.
Ademais, está previsto facer melloras no pavillón polideportivo municipal de Lourenzá; reforzar a rede de saneamento e o pavimento na rúa Alza-Cemiterio en Ribadeo; facer melloras nas casas do Concello de Trabada e Mondoñedo; equipar o parque infantil existente na piscina municipal do Valadouro; Acondicionar a estrada de acceso a Moreiras no Vicedo e pavimentar o vial do cemiterio de Celeiro-Viveiro.
Polo que respecta á Orde de compensación ambiental, dependente tamén da Consellería de Presidencia, Administracións Públicas e Xustiza, executaranse cinco actuacións máis, tres delas solicitadas de xeito conxunto.
Ademais do saneamento no Castro-Igrexa (Castelo), en Cervo, e o mantemento de espazos naturais do concello de Foz, así como nos concellos de Lourenzá e Trabada, mellorarase a recollida selectiva de lixo nos concellos que conforman a Mancomunidade de Concellos da Mariña Luguesa e sufragaranse os gastos do punto limpo ubicado no Valadouro e que comparten este concello e o de Alfoz.
En total, as 17 intervencións mencionadas suporán un investimento global de 848.197 euros.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
A artista manchega, coñecida pola súa mestura de raíz tradicional e sonoridades actuais, ofrecerá un directo íntimo e cheo de forza o sábado 20 de xuño ás 22:30 horas. Será unha noite para gozar da música con calma, entre amigos, nun ambiente próximo e acolledor, onde as cancións se comparten case como se fose unha conversa arredor dunha mesa. As entradas xa están dispoñibles en woutick!, polo que se recoméndase adquirilas con antelación para non quedar sen sitio nesta cita única.
José Luis Teso Celis é o vendedor da ONCE que repartiu estes cartos na localidade mariñá, desde o seu punto de venda situado na Avenida da Mariña, número 46.
Durante a xornada, entre 12 e 19 horas, realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
