Xove, 11 de xuño de 2016.- A presidenta provincial do PP de Lugo, Elena Candia, afirmou este sábado nun encontro con militantes en Xove, que o emprego será a prioridade absoluta nesta nova lexislatura.
A dirixente popular dixo que tras superar o período máis complicado da crise, grazas ao esforzo dos cidadáns e á xestión eficaz impulsada polos gobernos do Partido Popular, agora hai que asumir o reto de xerar oportunidades laborais de calidade e estables.
Candia destacou os bos datos de emprego rexistrados no último mes de xullo pero lembrou que aínda hai 4.461 parados nesta comarca. “Todas as políticas que puxemos en marcha e que seguen aplicándose neste país non teñen máis obxectivo que os que non poden traballar poidan facelo no futuro”.
Neste sentido a líder dos populares en Lugo lembrou que só no último mes na Mariña lucense creáronse máis de 200 empregos e que o nivel de paro rexistrado se estabilizou en cifras similares ás do inicio da última década. “Seguiremos aplicando políticas con sensatez e sentido común para conseguilo”.
Entre as medidas dirIxidas a este obxectivo Candia puxo en valor dous compromisos adquiridos polo PP de cara á vindeira lexislatura como son a extensión da tarifa plana de autónomos e dos que inicien un negocio, de tal xeito que pagarán só 50 euros ao mes durante o primeiro ano ou o feito de que durante 4 anos, estarán exentos os primeiros 500 euros de cotización dos novos contratos indefinidos e dos temporais que se convertan en fixos.
E sendo Xove a localidade que acolleu este encontro con veciños, foi inevitable a referencia á situación pola que pasa Alcoa. A presidencia provincial agradeceu o compromiso do conselleiro de Economía e da Xunta en xeral por estar vixiantes ante a evolución dos acontecementos e sinalou que unha das liñas vermellas irrenuciables para o PP será o mantemento do proxecto empresarial e dos postos de traballo vinculados á multinacional do aluminio.
Durante a súa intervención, Candia tamén quixo deixar claro a súa loita polos postos de traballo. “O Grupo Popular non fai política cos postos de traballo en ningunha circunstancia”. Que a todos lles quede claro: o PP sempre loitará polos postos de traballo e é o PP o que os xenera e nas nosas prioridades está que todos os postos de traballo do sector primario queden garantidos no futuro”.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
