SANTIAGO .- Portos de Galicia, a través do Programa de Investimentos en obras Menores (PIM), e no seu compromiso de mellorar a seguridade nas instalacións portuarias, está levando a cabo, como unha das medidas anunciadas polo ente público, a instalación de cámaras con conexión remota nos portos de Burela e Celeiro.
Con esta iniciativa o ente público ten previsto dotar ás instalacións portuarias de modernos sistemas de videovixilancia e control. Neste senso, o sistema de seguridade por medio de cámaras de televisión consiste na colocación de catro elementos no porto de Celeiro e seis no de Burela, emprazados en lugares estratéxicos.
No porto de Burela as cámaras estarán colocadas na explanada, fronte a oficina de Portos de Galicia, tamén na zona de atracada da lonxa, na súa parte trasera e na zona comercial e, en Celeiro, estarán instaladas nas zonas de atracada, explanadas e zona da lonxa, entre outras.
Coa colocación destas cámaras nos portos de Burela e Celeiro a seguridade e vixilancia nocturna e diúrna das instalacións portuarias durante as 24 horas do día se verán melloradas mediante este sistema de vixilancia e control de tal modo que estes portos sexan seguros e non se produzan actos que atenten contra a integridade dos barcos e das persoas.
Cada cámara posúe un movemento de 360 graos para poder percorrer todo o entorno destinado a súa vixiancia, ademais todas as instalacións estarán dotadas de videograbador que recollerá e gardará as imaxes. Por outra banda, no caso de que existan zonas denominadas “escuras” Portos e Galicia ten prevista a colocación de mais elementos de videovixiancia para cubrir así todas as necesidades.
Está actuación forma parte do “Programa de servizos tecnolóxicos: Proxecto de instalación de sistemas de videovixiancia, control de accesos e wifi en instalacións pesqueiras” consistente nun sistema de control de accesos e sistemas de videovixiancia para instalacións e pantaláns coa colocación de cámaras móbiles, control de accesos e puntos de acceso da rede wifi.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
