Lugo, 28 de xuño de 2016.- O Grupo Provincial do PP sacou adiante por unanimidade un compromiso para que o organismo provincial colabore cos concellos na recollida e tutela de animais abandonados.
O deputado, Carlos Armesto, apuntou que “dende o Grupo Provincial Popular consideramos necesario que a Deputación de Lugo se implique e colabore cos concellos nesta materia e se coordine a recollida e tutela de animais abandonados na nosa provincia”. Asegurou que “mediante esta colaboración estaríamos contribuíndo ao obxectivo fundamental de darlles amparo e salvagarda a estes animais, garantindo a súa atención e protección temporal, así como eliminando os riscos que pode provocar nos veciños, ao mesmo tempo que se lles da unha nova oportunidade ao poder poñelos en adopción”.
Armesto recordou que a recollida e tutela de animais abandonados “é unha demanda de moitos concellos que, nalgúns casos, non poden asumir estes custes”. Por este motivo, o deputado explicou que “consideramos necesario que o organismo provincial se implique e colabore cos concellos nesta materia”.
O deputado engadiu que “hai un problema real na provincia e é unha demanda constante de todos os Concellos. A lexislación vixente encoméndanos a tutela destes animais e entendemos que a Deputación ten a obriga de auxiliar aos concellos naquelas obrigas e demandas que necesitan e a idea é poder entre todos buscar un consenso para que a Deputación poida poñer un servizo para atender unha problemática grave”.
Armesto recordou que “é preciso actuar pois hoxe a Protectora de Animais e Plantas de Lugo está saturada e ten máis de 1.150 animais e mantén convenios firmados con 8 concellos”. No ano 2015 a Protectora véndose totalmente limitada tomou un acordo de non firmar convenios con máis concellos e aínda que algún concello de ámbito máis urbano pode ter algunha canceira dentro da provincia o que é certo é que hai máis de 43 Concellos que non teñen ningún tipo de resposta a unha situación real a crítica.
Compromiso xa adquirido no Goberno de Candia
O deputado popular lembrou que xa durante o goberno de Elena Candia unha das primeiras visitas que se fixo foi á Sociedade Protectora de Animas e Plantas de Lugo e cedéuselle a finca de Codesido con 40.200 metros cadrados “para poder dalgunha maneira reforzar ese servizo que estaba dando a única asociación da provincia e contribuír a mellorar ese servizo”.
O populares indicaron que “entendemos que a Deputación ten que tomar cartas no asunto e crear un servizo, un servizo que a maioría das Deputacións españolas teñen dado unha solución a este tema, ben cun servizo directo dende as propias Deputacións ou contratando servizo con algunha empresa”.
Os populares sumaron á súa moción unha emenda presentada polo PSOE co fin de “poñer solución a unha problemática real que están sufrindo os Concellos”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
