Foz, 21 de xullo de 2016. O vindeiro luns, 25 de xullo, no polideportivo Campo da Cabana, ás 22.30 horas, presentarase a proxección fotográfica Riquezas Paisaxísticas e Arquitectura Histórica da Mariña de Lugo, de Xesús do Breogán. O acto está organizado polo Concello e por Sempre Foz e conta co patrocinio do Centro Comercial Aberto.
Xesús do Breogán explicou que “trátase de dar a coñecer ao turista e tamén aos veciñas e veciñas de Foz todas as riquezas paisaxísticas que temos aquí. Precisamente o programa titúlase Riquezas Paisaxísticas e Arquitectura Histórica da Mariña de Lugo”.
O autor da proxección subliñou que “hai na Mariña unhas cinco cataratas, unha delas ten trinta metros de altura, as outras andan polos quince, que a xente non as coñece. Temos os eucaliptos de Chavín, tampouco son coñecidos pola inmensa maioría; está Pena Abaladoira en Alfoz que tampouco a xente aquí a coñece, é unha pena enorme que se move co impulso humano. Sae tamén algún curro como o de Santo Tomé”.
Xesús do Breogán comentou que “son fotografías exclusivamente miñas coa colaboración de Diseño Touche, que tamén me cedeu algunha e unha rapaza de Mondoñedo que me mandou algunha foto da Cova do Rei Cintolo. Saen a praia das Catedrais e os montes como Santa Cruz en Ribadeo, o monte Comado en Barreiros do que se tiran incluso en parapente, ou A Frouxeira en Foz e Cornería. Tamén está o monte San Roque de Viveiro e o Monte Castelo de Burela, que son lugares onde a paisaxe que se ve é impresionante”.
Xesús do Breogán salientou que “tamén hai unha serie de fotos da Catedral mindoniense, a igrexa dos Remedios, o Hospital e o Seminario en Mondoñedo. En Foz temos a basílica de San Martiño e o Castro de Fazouro, en Ribadeo a Torre dos Moreno e o Cargadoiro, en San Cibrao o faro en Punta Atalaia. En Viveiro están as igrexas de San Francisco e Santa María do Campo e os conventos, entre outras moitas propostas que poderán coñecer os que se acheguen o luns ao Campo da Cabana”.
Xesús do Breogán contou coa colaboración de Carmen Seco e Juan Varela. O acto está organizado polo Concello de Foz e Sempre Foz e conta co patrocinio de CCA-ACIA Foz.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
