Lugo, a 24 de xullo de 2016. Na Xunta de Goberno celebrada o pasado 15 de xaneiro de 2016 acordouse textualmente “Encomendar e ordenar a SUPLUSA, como medio propio da Deputación, a execución das actuacións de mantemento extraordinario nas embarcacións e instalacións das rutas fluviais da Deputación”. Esta encomenda tiña un prezo orixinal de 182.752,52 €.
Para a aprobación desta encomenda utilizáronse informes técnicos de varios servizos da Deputación que dicían literalmente e en perfecto castelán, por se alguén non entendera o galego, que o persoal de mantemento non podía realizar este traballo debido a que eran poucos e non tiñan tempo nin a capacitación necesaria para facelo.
O sorprendente da situación é que agora, a través dunha denuncia dos propios traballadores da brigada de mantemento, que son os afectados, enterámonos que durante varias semanas eles mesmos estiveron a realizar estes traballos nas embarcacións, e por orde da empresa SUPLUSA, facendo realmente os traballos que segundo os informe utilizados para a aprobación da encomenda non podían facer.
Ao mesmo tempo, tamén foi unha realidade que durante ese tempo o propio mantemento da Deputación se resentiu dunha forma importante, pois labores urxentes que eran imprescindíbel acometer, quedaron pospostos por mor da falta de persoal de mantemento. As efectos nos edificios da Deputacións producidos polas fortes chuvias caídas nesas semanas son unha boa proba diso.
Para os deputados do BNG a decisión tomada na Xunta de Goberno foi un auténtico fraude, pois“sentimos que votamos unha proposta fundamentada nun engano, outro máis”, manifestou o voceiro do BNG na Deputación, Xosé Ferreiro.
Agora sendo coñecedores desta situación, que segundo os traballadores de mantemento foi unha práctica habitual nos últimos anos, o goberno terá que informar ademais dos motivos,das variaciónsno prezo que se puido producir debido ao uso deste persoal propio da Deputación para estes traballos e que, por suposto, non lle tivo ningún custe a SUPLUSA.
“Outra incógnita que nos queda ao BNG tamén está na legalidade que pode ter que unha empresa como SUPLUSA, que compite no mercado con outras empresas privadas para facer traballos para a Deputación, poida usar persoal pagado pola propia Deputación para o seu funcionamento, non tendo practicamente ningún persoal propio para levar a cabo eses traballos que a Deputación lle encomenda”, preguntáronse tamén dende o BNG da Deputación de Lugo.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
A clientela aproveitou esta cita para facerse con artigos de tempada a prezos moi interesantes. É a segunda vez neste mes de agosto que se celebrou o Comercio na Rúa en Ribadeo. Para a organización desta campaña Acisa contou coa colaboración do Concello de Ribadeo, Comercio Galego e Xunta de Galicia.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
