Nota de Prensa
UNHA NOVA RECLAMACION DUNHA EMPRESA SUBMINISTRADORA DE ELECTRICIDADE ADVIRTE DO CORTE DE SUBMINISTRO A FINAIS DE NOVEMBRO
Begasa fai unha nova reclamación de 44,6 millóns de pesetas que deberán abonarse antes do 27 de novembro baixo ameaza de corte do subministro
Os nacionalistas pregúntanse que fai o alcalde cos impostos da cidadanía e como xustifica que non se executen os pagos de facturas eléctricas orzamentados como gasto corrente
Cervo, 12 de novembro de 2009. O Bloque Nacionalista Galego de Cervo fai pública unha nova reclamación dunha compañía subministradora de enerxía eléctrica ao concello de Cervo que reclama o pago de 44,6 millóns das antigas pesetas antes do 27 de novembro, advertindo que de non executarse o pago na data sinalada procederían a iniciar os trámites para o corte do subministro eléctrico. Os nacionalistas concretan no seu escrito que as cantidades reclamadas nalgúns casos son as mesmas que esta compañía reclamaba en xuño de este ano ás que se suman as correspondentes ao período de xuño a setembro mais intereses por importe de 889.115 pesetas.
268.310,18 euros en facturas correspondentes aos anos 2007, 2008 e 2009 que aínda non foron recoñecidas
De acordo co requirimento de pago rexistrado no concello o 4 de novembro as cantidades reclamadas correspóndense con facturas de subministro eléctrico do ano 2007(77,47 euros), 2008(100.859,02 euros) e 2009(162.026 euros) mais intereses de demora por 5.347,69 euros, en tódolos casos facturas aínda sen recoñecer e sen mandamento de pago. O BNG advirte que chove sobre mollado e reitera que as reclamacións das eléctricas non son as únicas presentadas por empresas provedoras de materiais e servizos ao concello de Cervo, “dende fai tempo recíbense no rexistro municipal reclamacións de empresas adxudicatarias de obras, de telefonía, de medios de comunicación, de SOGAMA, ou de bufetes de avogados, que nalgún caso optan pola presentación das reclamacións pola vía xudicial”, sinala o portavoz nacionalista, Xoán Estúa.
O goberno local trata de agochar o problema no canto de solucionalo
O concelleiro e portavoz municipal do BNG, Xoán Estúa, cualificou de irresponsábel a actitude do Alcalde e Delegado de Facenda, Alfonso Villares, “que se limita a criticar ao BNG por dar a coñecer aos veciños a caótica xestión municipal, mais non fai nada para solucionar os problemas”. Estúa lembrou que os gastos en enerxía eléctrica son gastos correntes consignados nos orzamentos municipais para atender o seu pago e,”á vista das reclamacións non se utilizan para ese fin polo que sería bo saber que fai o alcalde co diñeiro dos contribuíntes que ademais deberán pagar intereses de demora pola mala xestión do goberno que dirixe”.
Os cidadáns non teñen porqué pagar a mala xestión económica do PP
Os nacionalistas responsabilizan ao goberno do PP da situación ao considerar que Cervo é o único concello da comarca que está nesta situación económica a pesar dos cuantiosos ingresos procedentes da “boom” da construción dos últimos anos, sen que esta capacidade recadatoria servira para mellorar a facenda municipal, “moi ao contrario este feito deixa como lastre a desfeita urbanística e as arcas municipais baleiras”, sinala Estúa.
Por último, Estúa volveu facer fincapé nas consecuencias que a mala xestión económica do PP ten para os cidadáns de Cervo, o portavoz nacionalista aludiu á modificación de diferentes ordenanzas fiscais aprobadas polo goberno local en sesións plenarias do ano 2008 con incrementos porcentuais do 4,5% para 14 ordenanzas fiscais cando a suba do IPC en Galiza estaba no 3,6%; na mesma liña Estúa reclamou ao PP coherencia política xa que “o mesmo partido que reclama nuns sitios a baixada de impostos en época de crise, onde lle toca gobernar fai todo o contrario”. O portavoz nacionalista advertiu que “non poden ser os veciños quen paguen os pratos rotos da mala xestión económica do PP”, e anunciou que pedirá a actualización das ordenanzas fiscais de acordo co IPC actual.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
