Lugo, 27 de agosto de 2016.- “Nin fan nin deixan facer”. Este é o resumo co que a voceira do Grupo Provincial do PP, Elena Candia, se refire á situación que está atravesar a Sociedade Urbanística Provincial de Lugo (Suplusa) logo das leas internas que veñen de protagonizar o presidente da Deputación e o seu ex compañeiro de partido Manolo Martínez.
“Están bloqueando que Suplusa ratifique os novos estatutos, mentres o PP é o único partido que defende de xeito inequívoco esa aprobación para que a Sociedade poda cumprir a súa función como prestadora de servizos sociais, o que traerá consigo favorecer a apertura das residencias na nosa provincia”, explica Candia.
“É fundamental a aprobación desta modificación estatutaria, pois sen ela, a Sociedade non podería concertar prazas posto que non sería unha entidade prestadora de servizos sociais”, engade a voceira.
Sen argumentos para convocar a Xunta Xeral
A popular replícalle ao presidente da Deputación e tamén de Suplusa, Darío Campos, que a modificación dos estatutos feita a petición do PP conta co informe favorable dos Servizos Xurídicos, “polo que xa non lles quedan máis argumentos irrisorios dos que botar man para convocar a reunión da Xunta Xeral do organismo”.
Elena Candia engade que terá que ser “o socialista” o que explique os motivos máis que evidentes para non querer adaptar os estatutos, amplamente mellorados polo PP, dándolle de novo as costas á provincia e ás necesidades dos veciños e veciñas.
“Está claro que o pasatempo preferido do presidente da Deputación son as leas internas, os rifirrafes entre compañeiros, como así están demostrando a nivel provincial e galego, deixando de lado o papel que teñen nas institucións nas que ocupan postos de goberno”. Recórdalles que, de seguir dilatando o proceso, está a incumprir os acordos do consello de administración, polo que lles pide “a todos os seus membros rigor e responsabilidade”.
A popular pídelle que deixen de enredar con datas e competencias e que convoquen “polo ben da provincia” a reunión da Sociedade que permita avanzar e rectificar os estatutos que xa foron aprobados polo consello de administración o pasado 28 de xullo. De non ser así, o PP insiste na posibilidade de emprender as accións xudiciais que correspondan.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
