RIBADEO (FNC) .- O Concello de Ribadeo ven de aprobar por unanimidade em pleno o seu I Plan de Igualdade, que ven a ser un plan de traballo desde o ano actual até o 2011, “un documento útil que nos servirá para actuar co obxetivo de reducir as desigualdades entre homes e mulleres”, segundo explica a responsable do CIM. Luisa González asegura que “se trata dun plan que ten un caracter eminentemente práctico, coherente coas competencias municipais e co traballo desenvolvido nos últimos anos. É un plan adaptado ao territorio, á realidade concreta de Ribadeo. Este Plan facilitáranos enormemente o traballo, ao estaren definidas as accións a emprender, ao estar xa establecido por escrito que accións neste momento en base á diagnose sobre a situación do concello de Ribadeo é fundamental realizar para equiparar os intereses, necesidades e expectativas das mulleres e dos homes que residen em Ribadeo”.
O plan de Igualdade do Concello de Ribadeo reune as seguintes características:
* Este plan é unha cuestión de xustiza social: As institucións teñen que intervir para evitar as interferencias sociais que dificultan a libertade, integridade e dignidade das mulleres a nivel social, e impiden o avance das mulleres.
* Contribue ao desenvolvemento democrático da sociedade: A ausencia ou infrarepresentación das mulleres nos centros de decisión política é un déficit democrático.
* Criterio de eficacia económica para a sociedade: A participación de homes e mulleres de igual forma nos recursos económicos e na riqueza dos territorios é unha cuestión de eficacia económica.
* Participación: As políticas de igualdade deben ser obxeto de consensos o máis amplos posible, tanto nos ámbitos políticos como dos diferentes sectores sociais implicados, ben sexan do movimento asociativo, veciñal, universitario, empresarial, etc….
Este Plan de Igualdade ten un carácter integral na medida en que se deseñan liñas de actuación en diferentes áreas (educación, eido laboral, corresponsbilidade e conciliación da vida laboral e familiar, violencia de xénero, empoderamento e participación social e política das mulleres,deporte, cultura, ocio e tempo libre).
Por outra banda, o Plan ten carácter eminentemente participativo, sendo elaborado desde o propio Consello Municipal da Muller e desde a comisión “ad hoc”, é dicer, a comisión de igualdade creada para tal fin. E o Plan realizouse desde o Consello Municipal, desde o traballo da Comisión de Igualdade que se ocupou de coordenar ás comisións temáticas (comisión de emprego e relacións laborais, comisión de saúde e sexualidade, comisión de atención social e reparto de responsabilidade e comisión de violencia de xénero e imaxe social). A participación dos axentes sociais orixinouse desda a elaboración da diagnose até a proposta de obxetivos e accións específicas a desenvolver no propio Plan.
Na elaboración do Plan como nas medidas que se propoñen para os vindeiros anos adoptouse a transversalidade como estratexia, partindo da convicción de que a igualdade é responsabilidade de todas as áreas do Concello e da labor conxunta destes cos axentes sociais. E asi se contempla no Plan local de Igualdade.
Algúns dos obxetivos que se contemplan nas diferentes áreas:
Fomento de valores igualitarios no ámbito da educación:
* Impulsar a transmisión de valores de igualde de xénero entre mulleres e homes mediante a eliminación de estereotipos vinculados á feminidade ou masculinidade, e fomentando a igualdade nas relacións entre xéneros .
* Avanza cara unha escola coeducativa promovendo accións de sensibilización, de eduación en igualdade aportando formación ao alumnado, ao profesorado e ás nais e aos pais de cara a facilitar o tránsito da escola mixta á escola coeducativa.
Corrección das desigualdades existentes no mercado laboral:
* Incrementar a taxa de actividade, ocupación e disminuir o desemprego das mulleres.
* Diversificar as ocupacións das mulleres en Ribadeo.
* Potenciar a disgregación horizontal das mulleres en Ribadeo.
* Favorecer a mellora das condicións laborais das mulleres: temporalidade, contratos a tempo parcial, diferencias salariais.
* Disminuir a representación das mulleres no paro de longa duración.
Corresponsabilidade e concliación da vida laboral e familiar:
* Fomentar a corresponsabilidade de mulleres e homes na asunción de tarefas do fogar e coidado e atención a persoas dependentes.
* Promover actuacións que favorezan a conciliación da vida laboral e familiar.
* Reforzar e mellorar os servizos de atención ás persoas dependentes e aos servizos de apoio comunitario como espazos estratéxicos de actuacion a favor da corresponsabilidade social.
VIOLENCIA CONTRA AS MULLERES:
* Información sobre a magnitude do problema da violencia de xénero, a súa orixe nas relacións desiguais de xénero, as diferentes tipoloxias, manifestacións e as consecuencias para as mulleres, para os homes e a sociedade en xeral.
* Promover e xerar un cambio profundo no modelo de relacións sociais entre mulleres e homes basándonos nas transformacións a longo prazo para avanzar na plenitude do dereito da cidadania das mulleres, cuestionado pola existencia de violencia de xénero.
* Realizar unha intervención integral con mulleres vítimas de violencia de xénero e coas súas fillas e fillos, e persoas dependentes delas, procurando a recuperación da súa identidade, autonomia e a restauración dos seus proxectos vitais.
* Mellorar a resposta frente á violencia de xénero (prevención primaria) ofertando alternativas eficaces e mellorando a atención ás vítimas de violencia.
EMPODERAMENTO E PARTICIPACIÓN SOCIAL E POLÍTICA DAS MULLERES
* Sensibilizar á poboación en xeral sobre a importancia de alcanzar unha participación equilibrada entre mulleres e homes no ámbito político social, económico… como factor dinamizador do desenvolvemento municipal.
* Promover a creación de asociacións de apoio á consolidación das existentes.
* Promover a participación das mulleres nas estruturas das organizacións e postos de decisión.
FOMENTO DE VALORES IGUALITARIOS EN CULTURA, DEPORTE, OCIO E TEMPO LIBRE
* Recuperar a memoria histórica das mulleres da nosa vila para facer visible a cultura femenina e valorizar o seu papel.
* Traballar para garantir o acceso de todas as mulleres ás novas tecnoloxias.
* Impulsar a linguxe non sexista nas imaxes e nos medios contidos de toda a documentación do Concello.
* Impulsar o deporte como hábito saudable e forma de ocio entre as mulleres de Ribadeo de todas as idades.
SAÚDE E SEXUALIDADE
* Establecer medidas encamiñadas a aumentar a formación das mulleres en relación á saúde reproductiva e afectivo sexual.
* Propoñer mecanismos que axuden a acadar a paridade no coidado das persoas dependentes.
* Desenvolver accións de sensibilización de cara a preveer as enfermidades fomentando hábitos de vida saudables e información para atallar e recoñecer a tempo as diferntes dolencias.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
