Burela, 30 de agosto de 2016. O alcalde, Alfredo Llano, amosa a súa preocupación tras as obras realizadas na cuberta do pavillón dos Castros. O rexedor asegura que se fixeron, por parte da Consellería de Educación, traballos de reparación na cuberta, pero mantendo e actuando sobre as uralitas de fibrocemento con amianto existentes. Llano advirte do prexudicial que eses materiais son para a saúde e demandará que esa cuberta sexa retirada e cambiada por outra con materiais que se adapten á normativa e á lexislación vixentes.
Alfredo Llano lembrou que “xa hai moito tempo que aquí xa tíñamos previsto, de feito había un proxecto para cambiar a cuberta do pavillón do colexio Virxe do Carme, o colexio dos Castros, que realmente tiña unha necesidade evidente. Este pavillón segue coa cuberta de hai moito tempo que é de fibrocemento con amianto e por tanto era unha necesidade e unha obriga por lei cambiala e substituíla por outra que non tivera ningún inconveniente medioambiental nin sanitario”.
O rexedor burelés asegurou que “foi unha sorpresa moi grande cando Educación tomou a iniciativa de facer unha cuberta neste pavillón, pero deixando as uralitas de fibrocemento por debaixo. A antiga cuberta segue aí e limítanse a facer unha cuberta nova por enriba da que está xa instalada e manteñen a de fibrocemento con amianto. Isto sorprendeunos dado que había un proxecto que estaba pensado para cambiar eses materiais ademais de porque é necesario, está demostrado que o amianto é moi prexudicial para a saúde e polo tanto había que cambiar esa cuberta”.
O alcalde de Burela declarou que “Educación limítase a tapar unhas goteiras e mantén a cuberta de fibrocemento tal e como estaba. Falando con técnicos explicáronos que ese fibrocemento foi manipulado porque a nova cuberta tiveron que suxeitala nalgún lugar e para elo tiveron que perforar a de fibrocemento, de tal maneira que solta partículas que quedan en suspensión no pavillón”.
Llano móstrase “moi descontento e imos convocar unha reunión, xa falei esta mañá coas Anpas e coa Dirección do centro e esperamos a resposta de Educación, que veñan aquí e expliquen porqué razón non fixeron as cousas como se tiña pensado facer”.
O rexedor burelés lembrou: “dixo o señor Barcia que era unha obra que custaba 60.000 euros e na memoria que nos mandaron aparecen 40.000 euros, evidentemente aí non se ten en conta o gasto que hai que facer para tratar o fibrocemento con amianto. Pensamos que é algo que hai que arranxar urxentemente e cambiar toda a cuberta sen o fibrocemento o antes posible. Imos solicitar que se faga este cambio o máis urxente posible, o Concello ten que mirar de ter os alumnos con todas as garantías sanitarias dentro dun pavillón”.
O alcalde de Burela asegurou que “desde a Consellería nin sequera cumpriron o requisito entre institucións, aquí non se pediu un permiso explícito nin presentaron proxecto, soamente mandaron a memoria ao final e moi tardiamente. A nivel institucional nin sequera cumpriron os requirimentos mínimos que se deben cumprir”.
Alfredo Llano concluíu manifestando que “todo o que presume o PP e o señor Barcia de facer aquí as obras ten que reflexionar e explicarlles aos veciños porqué razón acometeron unha obra que nin sequera estaba prevista e que a fixeron mal”.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
A entidade, coa colaboración da Vicepresidencia da Deputación, organizará nas próximas semanas a XIII exposición Tal como eramos (28 de agosto), a proxección do filme Antes de nós (3 de setembro) e a homenaxe polo XXII cabodano de Manuel María (6 de setembro). A área de Cultura provincial reforza así o seu apoio continuado ao Iescha, referente na conservación e difusión da cultura galega e chairega.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
