O gardameta Joan Miñano Jiménez (Santa Coloma de Gramanet, 1993) estreará este venres o 20 laranxa ante a bancada de Vista Alegre no Torneo Burela Bonita (30 de setembro-1 de outubro), na presentación 2016-17 do Pescados Rubén-Burela en forma de cuadrangular xunto á crema do futsal de Primeira División, con Movistar Inter e Palma Futsal, e de Galicia, con Santiago Futsal. “Xogamos dous amigables, pero con seis semanas xa de pretempada apetecíanos xogar con rivais de Primeira División” transmitía así una das dúas incorporacións ao proxecto burelista, xunto ao ala madrileño Cuco, no novo periplo dos de Daniel Ibañes.
O catalán, procedente do FC Barcelona B, non esconde a súa emoción polo debut na Bomboneira nun termómetro do potencial laranxa con espectáculo garantido para os seareiros: “Esperamos que a afección nos acompañe; este venres comezaremos con derbi galego e o sábado cruzarémonos con Movistar ou Palma -dous partidos de luxo-. Esperamos demostrar todo o que traballamos ao longo deste mes; aos poucos imos avanzando. Esta fin de semana verase se estamos ben no nivel de competición ou se necesitamos traballar máis de cara á liga”.
“Sentinme acollido desde o primeiro momento, atopeime cómodo desde a primeira semana, ademais comparto piso con compañeiros do equipo e iso sempre favorece a fortalecer o grupo” recoñecía así Miñano a súa doada integración na dinámica mariñá, compartindo responsabilidades de momento con Álex baixo os paus: “É un porteiro da miña idade, que non coñecía persoalmente; estamos adestrando os dous bastante duro e a competencia fainos mellorar aos dous. En canto se incorpore Edu será un máis para competir; tan só queda traballar e mellorar entre todos”, concluía o 20 burelista con ganas de que o balón de Primeira comece xa a rodar.
Entradas
Para os socios/as habilitarase un único bono para os catro encontros, 10 euros/adult@ e 5 euros/menor de idade. Os non socios/as deberán adquirir unha entrada por cada xornada ao prezo de 10 euros/adult@ e 5 euros/menor de idade por día. A taquilla de Vista Alegre abrirase o venres ás 17.30 horas; os bonos/entradas tamén se poderán retirar esta tarde na sede laranxa (ata as 19.00 horas) e este venres pola mañá (ata as 14.00 horas).
Venres 30 de setembro
19.00 horas. Semifinal 1: Movistar Inter FS-Palma Futsal
21.00 horas. Semifinal 2: Pescados Rubén Burela FS-Santiago Futsal
Sábado 1 de outubro
19.00 horas. 3º e 4 POSTO: Perdedor Semifinal 1-Perdedor Semifinal 2
21.00 horas. FINAL: Gañador Semifinal 1-Gañador Semifinal 2
En directo por streaming. Os catro partidos do torneo tamén poderán seguirse en directo por streaming, coa colaboración de Pasión Media.
Convocatoria Pescados Rubén-Burela FS: 5. Iago Míguez, 7. Isi, 9. Iago Rodríguez, 10. Matamoros, 11. Chano, 12. Petry, 13. Álex, 17. Carlitos, 18. Jorge Bellvert, 19. Aarón, 20. Miñano, 23. Antoñito, 27. Renato, 30. Hélder.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
