Foz a 10/10/2016.- Non saimos do noso asombro- así de contundente se mostra o grupo municipal socialista- ao ver publicada a orde onde se establece a relación de concellos aos que se lles vai aplicar una nova subida dos valores catastrais.
O concello de Foz, que ten un dos tipos de gravame mais alto é o único concello de toda a Mariña que pediu esta subida durante catro anos consecutivos, ningún outro concello da comarca aplica semellantes subidas aos seus veciños. Con este novo catastrazo levamos xa mais de un 57% de subida no valor catastral en catro anos en Foz.
É una suba inxusta, desproporcionada e arbitraria, decidida unilateralmente polo alcalde e o equipo de goberno do PP, una subida do 12% lineal durante catro anos acumulativa, que non ten en conta, nin a situación dos inmobles nin o ano de construción.
Compre recordar- explican os socialistas- que o PSOE presentou e foi aprobada en sesión plenaria una moción que marcaba a rebaixa da taxa que abonan os veciños ao 0’40% xa o pasado ano, moción contra á que, tanto PP e o BNG, presentaron alegacións, e que dez meses despois aínda esta pendentes de resolver. Dez meses, non un, nin dous, nin tres, dez!
Acaso están tan atarefados o equipo de goberno e o alcalde, que en dez meses non foron quen de levar a pleno a resolución distas alegacións? Ou o que de verdade os move, para esa desidia, é que os veciños e veciñas sigan a pagar o máximo posible, e poder así seguir presumindo de arcas saneadas? Oxalá as mesmas ansias que tivo o alcalde á hora de reclamar e aplicar subidas, as tivese á hora de, nun concello tan saneado coma o de Foz, aplicar a rebaixa da taxa aprobada polo pleno.
No seu afán recaudatorio o equipo de goberno do PP co alcalde Castiñeira á cabeza van a levar á ruína a moitas persoas. Con un imposto coma o do IBI, que non ten en conta capacidade económica das persoas e que afecta nun 99% a pensionistas, traballadores, comerciantes, pequenos autónomos, deberían ser moi coidadosos e conscientes das repercusións que pode ter calquera modificación á alza, nas xa de por si maltreitas economías familiares
Ademais de que estas subidas van repercutir noutros impostos coma IRPf, imposto de sucesións e transmisións, imposto de plusvalías…
Nestes últimos anos nos que a crise golpeou ás clases medias e baixa e os soldos foron minguando froito da reforma laboral do PP- os socialistas- pedimos ao alcalde que baixe á realidade, que escoite aos seus veciños e veciñas cando din que pagan moito polo imposto e que vexa as dificultades que teñen para chegar a fin de mes, que se fixe nos concellos onde os tipos son iguais ou inferiores e non se aplicaron semellantes subidas, coma por exemplo o veciño concello socialista de Burela, onde o tipo é do 0´40 e non se aplicou ningunha subida dos valores catastrais.
É o momento de aplicar, de unha vez por todas e sen demoras, medidas que poidan paliar en parte esta nova subida, una rebaixa nos tipos de gravame ao 0,40% como a que dende o PSOE se solicitou, foi aprobada e aínda esta pendente de resolución, de acordar o pago fraccionado en dúas veces, de bonificar aos que teñan o recibo domiciliado… medidas todas elas que xa foron a pleno e están aprobadas pola corporación- rematan os socialistas.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
