Veciños do barrio do Porto en Escourido da parroquia de Covas denuciaron fai meses no Concello a pésima situación da estrada desde o propio barrio ata a Área Etnográfica da Insua, sen que ata o de agora o goberno local mostrara o máis mínimo interese polo seu mantemento, tal e como é a súa obriga. Si xa como acostuma esta zona turística está en completo abandono (sucia e con maleza), os seus accesos seguen o mesmo, con numerosas fochancas o que provoca a diario un perigo, non só para os veciños deste barrio, senón tamén para os viandantes e turistas que a menudo visitan esta zona da Insua que presenta un aspecto tercermundista que o noso pobo – concello turístico – non se merece.
Por esta estrada circulan a diario tanto vehículos – de veciños e turistas que desexan coñecer a Área Etnográfica e a Cova da Doncela -, como camións de gran tonelaxe, xa que o seu carón está o depósito de bombonas de butano Repsol, aumentando deste xeito o número de vehículos que transitan por unha estrada en mal estado e que necesita dunha reparación inmediata.
Este é un exemplo máis da situación na que se encontran moitas das pistas e camiños da ZONA RURAL do noso Concello, cheas de fochancas e con abundante maleza, motivos polos que o grupo municipal do PP non se cansará de transmitir ó goberno local todas estas deficiencias ata conseguir que se lles de solución ás mesmas.
Unha vez máis solicitamos ao equipo de goberno socialista, quen ten a obriga de manter tanto as estradas que son da súa competencia, como as rúas, que o faiga en tempo e forma, e que non aconteza como na rúa Jesús Noya – no propio casco da cidade – onde hai varios baches dende xa fai tempo sen que ata a data a delegación de obras do Concello lles teña dado unha solución.
Desde o grupo municipal do PP vimos recordándolle ó goberno local pleno tras pleno, suntos relacionados co mantemento das zonas públicas que son da súa competencia, así como as obrigas que teñen cos nosos veciños, sen que pola súa banda se faiga moito caso e desgraciadamente so poidamos constatar unha realidade moi distinta que é máis impostos e peores servizos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.