RIBADEO .- Técnicos do departamento de Vías e Obras da deputación provincial desprazáronse a Ribadeo para continuar cos traballos no vial CP 0610 Altar-Reinante-Os Castros. “Trátase dunha obra prioritaria, polo que o organismo provincial seguirá a actuar na zona nos vindeiros días para presentar en tres semanas o proxecto definitivo “, aseguran
Nota de Prensa
A Deputación avanza no proxecto de mellora do acceso á praia das Catedrais
– Con esta actuación dáse resposta ao compromiso adquirido por Gómez Besteiro na visita realizada a Ribadeo o pasado venres
– Trátase dunha obra prioritaria, polo que o organismo provincial seguirá a actuar na zona nos vindeiros días para presentar en tres semanas o proxecto definitivo
A Deputación continou este martes cos trámites para avanzar no proxecto de mellora da estrada provincial que dá acceso á praia das Catedrais. Neste senso, técnicos do departamento de Vías e Obras do organismo provincial desprazáronse hoxe a Ribadeo para continuar cos traballos no vial CP 0610 Altar-Reinante-Os Castros. O persoal da Deputación supervisou as mediacións xa realizadas para proseguir agora coas actuacións de saneamento da zona.
Deste xeito, cúmprese co compromiso adquirido polo Presidente da Deputación, José Ramón Gómez Besteiro, na visita realizada a Ribadeo o pasado venres. O organismo provincial seguirá a actuar na zona nos vindeiros días para presentar en tres semanas o proxecto definitivo. Trátase dunha actuación prioritaria xa que é unha obra moi demandada polo Concello e os veciños, coa que se comprometeu Gómez Besteiro, e onde a institución provincial non traballaba dende hai 25 anos.
Actuacións concretas
A Deputación inviste 540.000 euros no acondicionará de preto de 2 quilómetros da CP 0610. Os traballos inclúen o ensanche do vial, a mellora do firme, a instalación de sinais horizontais e verticais, a colocación de ollos de gato, e a creación dunha rotonda.
Todas as actuacións irán concertadas coa Dirección Xeral de Costas. O proxecto do organismo provincial irá ademais, en paralelo coa certificación medioambiental da praia das Catedrais. Este areal será o único non urbano da provincia que terá esta distinción na que traballa a Deputación coa colaboración dos Alcaldes da Mariña.
A CP 0610 é unha estrada moi transitada, sobre todo en época estival, xa que recorre unha zona de interés turístico. Os traballos que acometerá a Deputación permitirán incrementar a seguridade dos peóns que accedan ás praias ao ensanchar o vial.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
