LUGO .- O presidente da deputación, José Ramón Gómez Besteiro, anunciou que a Axencia Provincial da Enerxía comezará a funcionar nas vindeiras semanas e salientou que “é un proxecto de vital importancia, xa que se trata dunha fórmula de producir enerxía máis limpa e saudable. Na actualidade, a provincia de Lugo só xera unha cuarta parte de toda a enerxía que se consume. A pesar de que Galicia é unha das principais produtoras españolas, co 9,4% da enerxía de todo o país, os datos demostran que as catro provincias da Comunidade teñen que importar para satisfacer a súa demanda.
Nota de Prensa
Gómez Besteiro anuncia a posta en marcha da Axencia Provincial da Enerxía nas vindeiras semanas
– O Presidente da Deputación asina un convenio coa Fundación CONAMA para a realización do “3º Encontro Local de Pobos e Cidades pola Sostinibilidade” en Sevilla
– O organismo provincial informará nesta cita nacional, a que acudirán 300 persoas, sobre Lug02, Km0, Innova-TE ou o Centro de Recría Gayoso-Castro
– A Deputación aprobará nas vindeiras semanas un convenio coa USC, dotado de 234.000 euros, que otorgará 20 becas sobre medio ambiente e o turismo
– O Pazo de San Marcos acollerá a xornada “Profesionalización do turismo rural mediambiental” a que acudirán unhas 80 empresas e máis de 60 establecementos
O Presidente da Deputación, José Ramón Gómez Besteiro, anunciou este martes, durante a sinatura dun convenio coa Fundación CONAMA, que nas vindeiras semanas porase en marcha a Axencia Provincial da Enerxía. Gómez Besteiro salientou que “é un proxecto de vital importancia, xa que se trata dunha fórmula de producir enerxía más limpa e saudable”.
O titular do organismo provincial incidiu en que esta iniciativa “é posible grazas ao apoio do Executivo de Zapatero, e ao xiro das súas políticas de actuación apostando, como fai a Deputación, polo medio ambiente como oportunidade económica, e polo desenvolvemento sostible”.
A Deputación presentou este proxecto ante a Axencia Executiva de Competitividade e Innovación (EACI), ubicada en Bruxelas, e ó abeiro da convocatoria 2008 de Propostas do Programa Enerxía Intelixente-Europa II (EIE). Con esta iniciativa vaise mellorar o aproveitamento dos recursos enerxéticos provinciais, así como a sensibilización das autoridades locais, as empresas e a cidadanía sobre a escaseza de recursos enerxéticos, e a necesidade dun uso racional e compatible coa economía e o medio ambiente.
Na actualiade, a provincia de Lugo só xera unha cuarta parte de toda a enerxía que se consume. A pesar de que Galicia é unha das principais produtoras españolas, co 9,4% da enerxía de todo o país, os datos demostran que as catro provincias da Comunidade teñen que importar para satisfacer a súa demanda.
Asinatura do convenio con CONAMA
O Presidente da Deputación firmou este martes un convenio coa Fundación CONAMA para a realización do “3º Encontro Local de Pobos e Cidades pola Sostinibilidade” que se celebrará en Sevilla, dende o vindeiro 30 de novembro, ata o 2 de decembro. Gómez Besteiro anunciou que “a Deputación estará alí representando á provincia, levando a voz de todos os Concellos”.
O titular do organismo provincial explicou que neste encontro, organizado por CONAMA, un colectivo referente en España en materia medioambiental, e responsable de actividades como o Congreso Nacional de Medio Ambiente, profesionais e axentes implicados no desenvolvemento local de toda España intercambiarán información e experiencias sobre o desenvolvemento sostible.
Gómez Besteiro subliñou que o obxectivo deste acto, ao que acudirán unhas 300 persoas, é “establecer prazos concretos, e instrumentos necesarios, para que todos os Concellos e pobos de España asuman as súas responsabilidades, e o medio ambiente sexa unha política estratéxica de actuación en todos os Gobernos”.
Formarse e informar
O máximo mandatario provincial explicou que a Deputación participará neste encontro “para formarse, e así seguir potenciando o medioambiente e o desenvolvemento rural dos Concellos, e para informar sobre as iniciativas que puxemos en marcha, e que xa causaron o interese doutras institucións”. Neste senso, Gómez Besteiro puxo como exemplo Km0 ou Lug02, “proxectos percibidos como verdadeiras iniciativas de desenvolvemento sostible”, incidíu.
O organismo provincial presentará no “3º Encontro Local de Pobos e Cidades pola Sostinibilidade” o Centro de Recría da Granxa Gayoso-Castro, o primeiro centro público en España, “onde o tratamento ambiental dos residuos será unha obsesión”. Da mesma forma, abordará Innova-TE, o proxecto da Deputación que fará que as novas tecnoloxías cheguen a todos os puntos da provincia.
Na sinatura do convenio entre a Deputación e a Fundación CONAMA estiveron Deputado de Medio Ambiente, Ricardo Parada, a Deputada da Área de Economía, Regina Polín, o Portavoz do Partido Popular na Deputación, José María González Barcia, e Alcaldes e representantes dos Concellos lugueses de todas as cores políticas.
234.000 euros en becas
O Presidente da Deputación anunciou ademais que, na vindeiras semanas, o organismo provincial aprobará un convenio coa Universidade de Santiago de Compostela para a posta en marcha dun programa de prácticas profesionais becadas para xóvenes da provincia, e orientadas ao medio ambiente e ao turismo. O presuposto desta nova liña de actuación, que se enmarca dentro do proxecto Lug02, será de preto de 234.000 euros, dos que se beneficiarán un total de 20 recén titulados.
O programa inclúe 4 meses de prácticas en países de Europa e 8 en empresas ou organismos do ámbito do Lug02. Gómez Besteiro subliñou que esta iniciativa “permitirá aumentar as posibilidades de inserción dos nosos xóvenes titulados, primeiros como bolseiros, e logo como emprendedores”, e engadiu que “a nosa intención é iniciar as becas antes de finais de ano”.
Este convenio súmase a outras iniciativas postas en marcha dentro do programa europeo como o portal web para mellorar a comercialización dos produtos autóctonos das Reservas da Biosfera e do Courel, o Sistema de Información Xeográfica, ou a diminución da carga gandeira no medio rural.
Xornada sobre o turismo rural
O titular do organismo provincial adiantou que, o vindeiro xoves, dende ás 10:00 horas e ata ás 12:30 horas, o Salón de Actos do Pazo de San Marcos acollerá a xornada “Profesionalización do turismo rural medioambiental”.
Trátase dun encontro no que unhas 80 empresas, e máis de 60 establecementos de turismo rural, coñecerán de primeira man o programa Lug02. Ademais, tamén se analizará a xestión ambiental dos locais, a aplicación das novas tecnoloxías, a páxina web como ferramenta de marketing, as subvencións ou axudas para actividades de turismo rural, entre outros temas.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
