Cervo, 24 de novembro de 2016. O pleno da corporación municipal de Cervo abordará este xoves a partir das 20:00 horas a incorporación do Concello á rede de gobernos locais e biodiversidade co fin de promover melloras medioambientais.
O alcalde, Alfonso Villares, anunciou que “hoxe no Concello de Cervo a partir das oito da tarde vai ter lugar un pleno ordinario onde imos levar unha serie de puntos, entre eles aprobar a modificación de estatutos da Mancomunidade de Municipios da Mariña Luguesa para incorporar ao Concello de Viveiro. Tamén imos aprobar unha adhesión á declaración da Federación Española de Municipios e Provincias en relación co Día Internacional da Eliminación da Violencia contra a Muller”.
Alfonso Villares engade que “outro dos puntos a salientar é a aprobación da incorporación do Concello de Cervo á rede de gobernos locais máis biodiversidade. Neste punto eu penso que é importante salientar o feito de que desde o Concello de Cervo plantexámonos un novo reto medioambiental, que neste caso é o de adherirnos a esta rede de gobernos locais e biodiversidade”.
O alcalde de Cervo subliña que “sen dúbida ningunha nos tempos futuros, e ademais son directrices marcadas desde Europa, a normativa que imos ter que aplicar, non soamente os gobernos nacionais ou autonómicos senón tamén os gobernos locais, van ser políticas onde hai que incidir notablemente nos aspectos medioambientais e sobre todo da saúde. Son cuestións que todos temos presentes pero debemos involucrarnos moito máis. Eu creo que temos que concienciarnos moito máis aínda do que podemos estar”.
O rexedor engade que “son aspectos onde ademais é importante esta involucración porque os distintos datos que continuamente aparecen da comunidade científica poñen en evidencia que está a afectar dun xeito negativo á climatoloxía do noso planeta, e con elo a nosa forma de vida e a forma de vida doutros seres vivos. Por iso esta adhesión que imos facer desde o Concello de Cervo a esta rede de gobernos locais”.
Villares sinala que “nesta rede hai unha serie de obxectivos e entre eles está o de promover unha serie de estratexias, plans, programas e proxectos de ordenación do territorio municipal que van estar baseados claramente no desenvolvemento sustentable do concello, que garantan a funcionalidade e a dinámica ecolóxica dos territorios naturais que estean presentes no noso municipio e posibilitando, cando sexa posible, o incremento de sistemas que puideran estar danados ou destruídos no pasado”.
Alfonso Villares di que “tamén dentro dos obxectivos desta rede galega está o de promover outras estratexias, programas e proxectos para conservar e incrementar a biodiversidade nos medios máis urbanos que poidamos ter no noso concello así como a protección do medio hídrico e a mellora da conectividade ecolóxica, e tamén a salvagarda dos distintos ecosistemas. Outro aspecto fundamental é do educar e concienciar á cidadanía da importancia de dispoñer dun medio ambiente axeitado e cun alto grado de diversidade biolóxica como elementos estes esenciais da saúde humana e da preservación do noso patrimonio natural”.
O alcalde de Cervo insiste en que “son aspectos que versan sobre a protección do medio ambiente natural, algo sobre o que todos os cidadás, os maiores, os que non son tan maiores e os máis pequenos, temos que concienciarnos e poñer en práctica feitos e hábitos de vida que vaian dirixidos cara á protección do medio ambiente natural que non é unicamente unha protección para nós senón tamén para as xeracións futuras”.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
