Lugo, 29 de novembro de 2016.- O Grupo Provincial do PP sacou adiante no Pleno de hoxe, pese ao voto en contra do PSOE e do BNG, unha iniciativa para que o organismo provincial elabore un Plan de Axuda dirixido aos concellos de menos de 20.000 habitantes da provincia para o financiamento de gastos non finalistas.
Para poder levar a cabo esta iniciativa o PP pediu que a Deputación destine, no Orzamento do ano 2017, a cantidade de 1.000.000 euros a repartir de acordo a dous criterios fundamentais: “Que se estableza unha achega mínima para cada concello de 10.000 euros e que se reparta o resto do financiamento seguindo os mesmos criterios do POS”.
Carlos Armesto criticou a BNG e PSOE por votar en contra e por preferir a firma de convenios feitos dun xeito arbitrario, pero nós pretendemos que chegue todo a todas partes. Así, o vicevoceiro do PP referiuse a plan semellantes aprobados na Coruña, presidida polo PSOE, ou en Pontevedra, para facilitar que os concellos conten con plans que destinen recursos aos municipios seguindo criterios de prioridade municipal, gasto corrente, pago a proveedores ou redacción de proxectos, entre outros.
O deputado defendeu que os Concello teñen cada máis esixencias, “polo que necesitan unha administracións para que nos bote unha man para gastos non finalistas. Fano noutros lugares onde gobernan. Falen cos concellos e verán como están de acordo. Deixen de mirar para o seu embigo, hai que ter un criterio e unidade de acción”, reclamou.
“Nunca estará mal que unha Deputación preste axuda, pero falamos de que unha Deputación das que menos aporta directamente aos concellos faga un xesto mínimo, empezar a recoñecer a autonomía local e que son corporacións con capacidade de decidir en que gastar os seus cartos e fagan o que fai o seu partido onde acerta”, engadiu o deputado popular.
Armesto preguntou por que temos que ser os concellos de Lugo de segunda categoría con respecto a outros, respectemos a autonomía local. “Perden unha ocasión de sumarse ao municipalismo e que os veciños os recoñezan por iso. É unha mágoa que estean instalados no non”, expuxo.
Un apoio importante para os concellos
Os populares consideran fundamental levar a cabo este Plan de Axuda, pois sinalan que “aínda recoñecendo que os recursos da Deputación non son ilimitados, impulsar este plan de apoio adquire unha importancia transcendental neste momento, pois unha institución ben administrada é aquela que bota man da súa capacidade económica de apoio para que os concellos poidan poder desenvolver mellor a súa función e a dos veciños aos que serve e presta servizos”.
Dende o Grupo Provincial do PP consideran “fundamental” que a Deputación Provincial de Lugo elabore e inclúa no Orzamento do ano 2017 un Plan de Axuda dirixido aos concellos de menos de 20.000 habitantes da provincia de Lugo para o financiamento de gastos non finalistas, “xa que son os propios concellos os mellores coñecedores das súas necesidades”.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
