Lugo, 5 de decembro de 2016. O voceiro do BNG na Deputación de Lugo, Xosé Ferreiro, agradeceu a boa disposición de Elena Candia para abordar, nunha xuntanza de portavoces, a proposta feita polo BNG para os orzamentos da Deputación de Lugo. Ferreiro felicitouse pola boa acollida que está a ter a proposta do BNG e augurou “un punto de inflexión na historia da Deputación de Lugo para avanzar cara a súa desaparición”. Ferreiro manifestou, tamén, a disposición do BNG para participar “en cantas xuntanzas sexa necesario para mellorar as condicións de vida das persoas que viven nos concellos lucenses”.
Xosé Ferreiro destacou o feito de que Elena Candia se desmarque das políticas do partido popular “antepoñendo os intereses dos concellos e dos habitantes da provincia sobre os intereses partidarios”. “Dende o BNG agardamos que non suceda o mesmo que na Deputación da Coruña, onde o PP, a pesares de estar dacordo coa proposta do BNG, emitiu un voto completamente ideolóxico e alegaron que con este modelo de orzamentos se producía un completo baleirado da Deputación que é o que verdadeiramente persegue o BNG” dixo Ferreiro.
O voceiro nacionalista lembrou que “a responsabilidade de presentar a proposta de orzamentos e de convocar as xuntas de voceiros é do presidente da Deputación” e adiantou que “o BNG traballará o que sexa necesario para chegar aos acordos precisos que leven a unha proposta de orzamentos que sirvan para incrementar a cantidade de fondos que reciben, dunha forma obxectiva e transparente, os concellos de lucenses”. Tamén lembrou, o deputado do BNG, as políticas clientelares da Deputación de Ourense gobernada polo PP.
Tras a aceptación pública da proposta do BNG, por parte do PSOE e PP, Xosé Ferreiro advertiu que “a proposta do BNG vai no camiño de avanzar cara a eliminación definitiva destas institucións caducas, non se trata dun novo reparto, se non de que a Deputación perda o poder de decisión sobre a utilización dos cartos nos concellos” e engadiu que “mentres as Deputacións non desaparezan traballaremos para que sirvan para apoiar aos concellos con máis dificultades, por que para iso foron creadas no seu momento”.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
