Foz, 8 de decembro de 2016. A proxección de películas, o Mercado de Nadal e varios concertos son algunhas das principais actividades programadas para este Nadal pola Concellería de Cultura en Foz e que terán o broche de ouro coa Cabalgata de Reis o día 5 de xaneiro.
A responsable de Cultura, Silvia Blach, anuncia que “este sábado, día 10, ás seis e media da tarde na Casa da Cultura teremos teatro musical. A compañía Galitoon vai facer a obra Güela-Güela e o prezo vai ser 1,5 euros para nenos e 2,5 euros para adultos. O xoves día 15 ás oito e media da tarde haberá cine na Casa da Cultura. Veremos a película Nove ondas, un drama español de 2013, a un prezo de 3 euros. O venres 16 teremos Payasolandia ás seis e media na Sala Bahía; o prezo vai ser 10 euros pero con invitación farase un desconto e será 8 euros. O sábado 17 ás seis e media da tarde na Sala Bahía haberá un festival en beneficio do asilo de anciáns de Foz e participarán o Coro Parroquial de Foz, o grupo Mar Aberto, os coros da Escola Municipal de Música de Foz e a Coral Polifónica de Foz. O prezo será de 3 euros ou a vontade”.
Silvia Blach subliña que “do luns 19 ao venres 23 na rúa Álvaro Cunqueiro, moi preto da Casa do Concello, imos ter o Mercado de Nadal, onde se poderán atopar varios artigos e produtos para facer os nosos agasallos de Nadal. O xoves 22 ás seis e media da tarde teremos cine na Casa da Cultura. Será unha comedia familiar de animación, Noite de Paz, e cun prezo de 3 euros. Ese mesmo día ás oito e media na igrexa parroquial celebrarase o Festival de Nadal da Escola de Música coas actuacións do coro infantil da Escola de Música, o coro xuvenil e o grupo Prebanda. A entrada vai ser gratuíta”.
A edil de Cultura salienta ademais que “o sábado 24 teremos, ás doce, a visita de Papá Noel polas rúas de Foz. Así que esperamos que todos os nenos que queiran achegarse poidan vir visitar o noso Papá Noel para poderlle entregar a súa carta ou sacarse unha foto con el. Despois teremos o concerto de Nadal na rúa, no que os nenos da Banda Municipal de Música de Foz e da Escola de Música actuarán na rúa peonil Xoan Montes”.
Blach engade que “o domingo 25 teremos o tradicional Concerto de Nadal da Banda Municipal de Música de Foz dirixida por Abel Riveira, que vai ser na igrexa parroquial ás oito da tarde. O xoves 29 ás seis e media imos ter cine na Casa da Cultura; por soamente 3 euros pódese ver a película de animación Meigallos. O sábado 31 ás doce do mediodía celebrarase o concerto de Nadal na rúa que vai ser dado pola Banda Municipal de Música de Foz e a Escola de Música na rúa peonil Xoan Montes”.
Por último a concelleira de Cultura subliña que “o xoves 5 de xaneiro ás sete e media da tarde imos ter a Cabalgata de Reis. Os reis van saír da praia da Rapadoira percorrendo as rúas da vila ata o belén vivinte que se atopará na Casa do Concello. Ao remate haberá churros con chocolate e roscón de reis no patio do colexio Número 1 de Foz. Esas viandas van ser doadas por colaboradores desta cabalgata, que este ano vai ter moitas novidades e por iso convidamos a todos os nenos do concello e arredores a que se acheguen a ver aos Reis Magos en Foz”.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
