O Pescados Rubén-Burela FS saltará este á pista do Centro Insular de Deportes de Gran Canaria ás 20.00 horas (hora local) coñecendo xa a identidade de tres dos protagonistas de semifinais de Copa do Rei, que se decidirán hoxe en cuartos entre Valdepeñas FS-Magna Gurpea, Levante UDDM-Jaén Paraíso Interior e Catgas Enería-ElPozo Murcia. “Esperamos entrar na historia do club; unha vitoria ante Gran Canaria FS daríanos a grande oportunidade do Pescados Rubén de entrar en semifinais” explicaba entusiasmado Raúl García, Cuco.
“Son competicións diferentes e o resultado do sábado non vai influír, aínda que oxalá a vitoria volva caer do noso lado” ansiaba o 21 laranxa, un dos estandartes rematadores do partido de liga fronte aos insulares hai tan só tres días (4-10), xunto a Iago Míguez, Matamoros e Isi. “O importante é que gañe o equipo, a autoría dos goles é anecdótica. Moitas veces axúdase igual, ata máis, doutras formas aínda que non haxa goles” restaba así relevancia ao seu acerto de cara a portería a ala madrileño.
“Non estamos afeitos a estar tantos días concentrados e faise un pouco tedioso, pero intentamos compensalo coa mentalidade de competición. Despois do adestramento desta mañá, pola tarde daremos un paseíño para despexar a mente e mañá a por todas no partido” concluía Cuco.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
