Riotorto e Castro de Rei (Lugo), 2 de febreiro de 2017.- A secretaria xeral para o Deporte, Marta Míguez Telle, acompañada polo delegado territorial da Xunta en Lugo, José Manuel Balseiro, visitou hoxe varias instalacións deportivas financiadas e melloradas pola Xunta de Galicia na provincia lucense. A titular de Deporte sinalou a “construción e reforma de instalacións deportivas como un dos eixos fundamentais do seu departamento para aumentar a práctica deportiva entre os galegos e galegas e que estes poidan exercitarse nas mellores condicións posibles”. Marta Míguez mandou unha mensaxe de ánimo a todos os veciños lucenses para que usen estas instalacións renovadas “mellorando así a súa calidade de vida a través do deporte”.
Nas súas verbas, a secretaria xeral para o Deporte destacou como a práctica deportiva pasou dun 55,1% en 2007 a un 70,75% en 2014 segundo a enquisa realizada pola USC en colaboración coa Secretaría Xeral para o Deporte no marco do programa Galicia Saudable. “Queremos que estes números sigan a medrar e acadar unha poboación activa ao 100%”, engadiu.
A primeira hora da mañá, Marta Míguez dirixiuse a Riotorto para comprobar in situ a pista de pádel sita en O Mazo, financiada integramente pola Xunta de Galicia a través dunha partida de 19.999,99 euros ao abeiro do convenio asinado o pasado 19 de setembro. Posteriormente, a secretaria xeral dirixiuse ao campo de fútbol municipal ‘A Veiga’ onde se realizou a mellora do céspede segundo o convenio asinado o pasado 16 de xuño. O importe total desta actuación foi de 3.121,80 euros dos que a Xunta de Galicia achegou 2.500 euros e o Concello de Riotorto os 621,80 euros restantes.
Máis tarde, a máxima responsable do deporte a nivel autonómico visitou a área deportiva de Castro Ribeiras de Lea, sita no municipio lucense de Castro de Rei. Alí, supervisou o campo de adestramento de fútbol, que contou cun investimento da Xunta de 49.890,77 euros.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
