Mondoñedo, 3 de febreiro de 2017.- O Concello de Mondoñedo levará ao pleno do próximo mes de febreiro as bases reguladoras do bono infantil, consistente na creación de axudas económicas dirixidas a familias residentes e empadroadas no municipio, cuxos nenos ou nenas non teñan praza na escola infantil.
A alcaldesa de Mondoñedo, Elena Candia, explica que a ordenanza que “prevemos aprobar na próxima sesión plenaria regula a posta en marcha dunhas bolsas para o pago de servizos especializados de atención a nenos e nenas”, é dicir, matiza a rexedora, “dende o Concello subvencionaremos o custo que supón o coidado dos nenos e nenas axudando no abono das facturas que os pais deben afrontar polo coidado dos seus fillos”. Neste eido, Candia lembra que no municipio existe un centro que presta estes servizos de conciliación da vida familiar e laboral, posto en marcha por tres mozas emprendedores. Así, engade a popular, “a axuda tamén permitirá que sexan máis competitivas na prestación destes servizos”.
Bases
As bases deste bono infantil establecen que serán beneficiarios das subvencións os proxenitores, xa sexan casados, parellas de feito ou familias monoparentais que teñan fillos, así como os adoptantes de nenos e nenas que residan no Concello.
Os parámetros económicos que regulan as axudas son os mesmos baremos que se establecen nas gardarías municipais. Deste xeito, a contía da axuda dependerá da renda per cápita dos proxenitores e subvencionarase dende o 100 ata o 10% do servizo. O pago da axuda concedida realizárase directamente á empresa que preste o servizo.
Forte aposta por un servizo global de concialización para o fomento da natalidade
O obxectivo deste bono infantil é o de proporcionar, segundo explica Candia, “oportunidades e recursos que garantan a igualdade entre mulleres e homes e posibiliten a conciliación entre a vida persoal, familiar e laboral”. Así, a rexedora analiza que o descenso de poboación e do índice de natalidade “é unha constante neste Concello, polo que unha das medidas que se consideran importantes é por en marcha o fomento de axudas para que as unidades familiares que vivan en Mondoñedo poidan conciliar a súa vida laboral e familiar do xeito mais axeitado posible”.
Así coa finalidade de apoiar as familias para fomentar a natalidade e fixar poboación, o Concello de Mondoñedo xunto ás medidas para incentivar a natalidade con axudas directas por nacemento, o Goberno local tamén está a avanzar na idea de “ter un servizo global de conciliación ou incluso apoiar a creación dun servizo de canguros para que os país podan conciliar a vida familiar e laboral”.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
