Celeiro acolle unha xornada informativa da Xunta sobre o novo decreto de vivendas de uso turístico

Lugo, 5 de febreiro de 2017.- A Xunta organizará mañá luns luns 6 de febreiro, unha xornada informativa sobre o novo decreto polo que se establece a ordenación dos apartamentos turísticos, vivendas turísticas e vivendas de uso turístico na Comunidade Autónoma de Galicia. O acto desenvolverase no salón de actos do edificio administrativo da Xunta de Galicia en Celeiro (avenida Gerardo Harguindey Banet, 2) acollerá a partir das 20.00 horas do vindeiro

A charla correrá a cargo do delegado territorial, José Manuel Balseiro, e da xefa provincial da área de Turismo en Lugo, Paloma Vázquez, que darán conta dos aspectos fundamentais do novo decreto e intentarán resolver as dúbidas, preguntas e cuestións que poidan xurdir en relación co seu contido e aplicación.

Balseiro convidou a todos aqueles que estean interesados en recibir máis información sobre esta cuestión a participar na xornada, de entrada libre e gratuíta, e na que tamén aproveitarán para dar traslado das principais liñas e subvencións que mantén abertas a axencia Turismo de Galicia.