Burela, 21 de febreiro de 2017. O alcalde e presidente da Fundación Expomar, Alfredo Llano, asegurou que a feira que terá lugar en maio se presenta con moi boas expectativas e subliñou que xa está confirmada a participación dun número importante de stands.
Alfredo Llano comentou: “tivemos a primeira reunión da comisión de Expomar para preparar a feira exposición que hai este ano 2017. Basicamente onte foi o primeiro contacto para ir dispoñendo, organizando e sabendo máis ou menos o que queremos e cómo están as cousas”.
O rexedor burelés dixo que “en principio temos moi boa expectativas, dado que xa hai moitos stands comprometidos e moitas marcas tamén comprometidas. Polo tanto hai garantías seguro para completar perfectamente o espazo que hai na nave de redes de Burela. A feira exposición eu penso que vai ser moi bonita, hai novidades, hai cousas interesantes, hai novas marcas, hai novos stands e polo tanto vai ser moi interesante para o sector náutico pesqueiro”.
O presidente da Fundación Expomar declarou que “onte estivemos tamén tratando de ver temas que se poden falar e informar nas xornadas técnicas que imos procurar facelas dous días, aínda que se está pensando en facer soamente un día este ano, pero xa falaremos disto durante este tempo. Estivemos estudando os temas dos que imos falar. Os máis interesantes son a comercialización, os descartes, o Brexit e como vai afectar que o Reino Unido non estea na Unión Europea con respecto á pesca. Despois tamén se vai falar dos caladoiros”.
Alfredo Llano asegurou que “son temas que se puxeron onte enriba da mesa, que imos seguir pensando, pero os asuntos irían por aí o máis seguro. Son temas que son preocupantes no sector e están na orde do día da información náutico pesqueira e polo tanto creo que van ter calado, van ter interese e vai haber xente para ir velos seguro. Tamén imos procurar falar algo das nosas especies que estamos traballando aquí no noso porto de Burela, buscando a maneira de facelo de acordo co que aporte cada sector ou cada confraría. Imos tentar que todo o mundo poida participar, pero en principio a través da comisión decidimos isto”.
O alcalde anunciou que “imos facer a próxima reunión en marzo, cara mediados de mes, e aí xa imos completar os temas que imos dar. Se imos facer unhas xornadas técnicas o xoves e o venres ou soamente un día. Tamén imos facer o encontro empresarial que aínda que xa de por si aparecen aquí en Burela moitos representantes dos armadores, do sector, dos comercializadores, etc… e xa falarán do que estea na preocupación de todos eles e que queiran aportar algunha solución para sacar unha conclusión final que é o que se ven facendo todos os anos nos encontros empresariais”.
Para Alfredo Llano “a feira exposición Expomar de Burela ten moi boas expectativas. Consideramos que non soamente non vai baixar senón que van subir as novidades náutico pesqueiras. Por outro lado trataremos de concretar xa os temas que queremos que se falen nos encontros empresariais e tamén nas xornadas técnicas, para facer esta edición moi interesante para todo o mundo que estea interesado neste sector e incluso para a xente que teña algún interese cultural, comercial, de consumo ou empresarial. Imos intentar facer unha boa edición este ano e agora mesmo estamos no camiño de ir construíndo esta nova edición”.
A XVII Feira Monográfica Expomar terá lugar do 25 ao 28 de maio en Burela.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
A clientela aproveitou esta cita para facerse con artigos de tempada a prezos moi interesantes. É a segunda vez neste mes de agosto que se celebrou o Comercio na Rúa en Ribadeo. Para a organización desta campaña Acisa contou coa colaboración do Concello de Ribadeo, Comercio Galego e Xunta de Galicia.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
