CERVO .- Concello de Cervo, asinou o pasado 26 de Novembro, coa Secretaría Xeral para o Deporte da Xunta de Galicia, un convenio de colaboración por un importe que ascende á cantidade de 57.995,36 €, que van ser destinados integramente a obras de mellora da Piscina Municipal.
Ao tratarse dunha piscina olímpica (única en toda a Provincia), para un Concello de 5000 habitantes, estas instalacións resultan sobredimensionadas, e aínda que se conta coa colaboración de Alcoa para o quentamento da auga, supoñen uns gastos anuais para as arcas municipais de máis de 150.000 €, aparte da cuota dos socios.
O Goberno Municipal apostou en todo momento por manter estas instalacións nas mellores condicións posibles, pero debido tamén ao deterioro que sofre por ter xa unha antigüidade de 11 anos, é fundamental contar coa colaboración da Administración Autonómica, colaboración que a pesares das reiteradas solicitudes que se lle fixeron ao anterior goberno da Xunta de Galicia, non deron froito e o Goberno bipartito non investiu durante eses catro anos nin un só euro na Piscina Municipal de Cervo.
Afortunadamente o cambio dos xestores da Xunta de Galicia trouxo para o Concello de Cervo un diálogo máis fluído que se plasmou neste caso no Convenio coa Secretaría Xeral para o Deporte.
As obras que se van realizar, van ir primeiramente dirixidas a estructuras e subministros que segundo os Servizos Técnicos do Concello, resultan máis imperiosas:
* Instalación dun depósito de auga quente sanitaria.
* Cambio da área dos filtros.
* Instalación de billas monomando nas duchas.
* Instalación de válvulas reguladoras da temperatura da auga.
* Colocación de novas corcheiras no vaso.
* Etc.
É preciso seguir a traballar na mellora da Piscina Municipal e dende o Concello de Cervo estamos seguros de que a colaboración da Secretaría Xeral para o Deporte, vai ser positiva de cara a futuras demandas que se vaian presentando, como xa o foi nesta ocasión.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
