Burela 19-3-17.Comezou con bo pé o Pescados Rubén Burela o seu duelo co Sportiu Rubí co gol de Dany no minuto 2 de xogo. A pesar do 1-0 as visitantes mantiveron a súa guión de esperar en 15 metros para saír ao contragolpe. As burelistas tiñan a iniciativa do partido pero non atopaban o camiño para superar a defensa visitante. No minuto 6 chegou o primeiro aviso das catalás que desbaratou Jozi. No minuto 9 repetiuse a acción, contragolpe visitante e de novo Jozi gañou a partida, nesta ocasión ante Laia. Reaccionou o conxunto local ante os avisos visitantes pero sen atopar o ritmo necesario para xerar perigo. Un par de lanzamentos afastados de Cilene e Dany activaron ao seu equipo na recta final do primeiro periodo que se despediu con outro contragolpe perigoso do Rubí sen consecuencias.
Ao descanso chegouse co 1-0 e na continuación o Pescados Rubén Burela saltou á pista con maior intensidade e pechando mellor as saídas ao contragolpe do Rubí. No minuto 25 Cilene ampliou a renda local cun disparo potente e raso ante o que Nerea nada puido facer. Co 2-0 a escuadra burelesa tranquilizouse e soubo frear mellor os contragolpes das catalás que non conseguían xerar perigo en ataque posicional. Tras varias acometidas laranxas chegou o 3-0 con Dany outra vez como protagonista, minuto 34, con disparo raso e cruzado. Acto seguido as visitantes optaron polo xogo de cinco e a mellor ocasión foi para o Burela pero Dany atopouse co pau. Insistiu o Rubí con porteira xogadora e o Burela tamén tomou a mesma decisión pero con maior acerto. Cilene cun gran disparo marcou o 4-0 que selou definitivamente o partido.
Ficha técnica
Pescados Rubén Burela FS: Jozi, Dany, Cilene, Bea Mateos, Shiori -cinco inicial- Judith, Elvira, Lara, Sofía, Silvia.
Sportiu Rubí: Nerea, Tosti, Gloria, Alba, Arantxa -cinco inicial- Domi, Ainoa, Laia.
Goles: 1-0; m.2, Dany; 2-0, m.25, Cilene; 3-0, m.34, Dany; 4-0, m.38, Cilene.
Árbitros: Pérez Torrecilla, Moreira Bermúdez da Coruña. Cartón amarelo a Bea Mateos e Dany do Pescados Rubén Burela. Cartón amarelo a Nerea do Sportiu Rubí.
Incidencias: Partido correspondente á xornada 21 da Primeira División. Disputado no pavillón Vista Alegre de Burela. 300 espectadores.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Son 15 os postos instalados nos que os asistentes poderán atopar complementos de moda e téxtis, marroquinaría, xoiaría, teas, sombreirería, bixutaría, xoguetes ou esmaltes. Esta feira está percorrer diversas localidades e cidades galegas para dar a coñecer o traballo dos artesáns galegos. Polo recinto pasaron o alcalde, Dani Vega, e a concelleira de Comercio e Turismo, Marta Saiz.
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna hoxe ao monolito da Cadeir a, os simuladores de pilotaxe de moto GP e a exhibición de Stunt3Show mañá, ou unha ruta turística o domingo. Ademais, haberá sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
