Fai unhas semanas xerábase unha enorme polémica en torno a un autobús vinculado a unha plataforma da ultradereita que tentaba facer noxenta propaganda atacando a liberdade individual e a diversidade sexual e de xénero. O lema final era “Que non te enganen”. Sucedéronse as reivindicacións en resposta a este fenómeno.
Estes días, en Burela, desde o grupo municipal do BNG, defendíamos importantes servizos para a vila e para a comarca da Mariña: a fisioterapia no Centro de Saúde e o ferrocarril. O alcalde desta vila apoiou as demandas presentadas polo BNG mais chegou a afear a nosa conduta por non termos apoiado melloras na sanidade. Rotundamente falso. Mesmo tentou apropiarse da defensa do noso ferrocarril, unha problemática que o BNG está a tratar nos concellos, na Deputación Provincial e mesmo no parlamento galego, onde o PP ven de rexeitar a súa transferencia á Xunta de Galiza. As competencias nesta materia correspóndenlle ó goberno do Estado. O PSOE tivo responsabilidade nesa administración, o BNG non. Que non nos enganen.
Tamén vimos estes días na prensa vistosas fotos dos señores da deputación visitando a nosa vila. Ata 800.000 euros engordaban os titulares dos xornais. En liñas interiores o detalle coas actuacións concretas, que cando se ten un pouco de memoria fotográfica, resulta moi familiar. Tanto que revisando a hemeroteca un atópase información nos medios locais do pasado agosto coa mesma información, case coma por coma. A única diferenza, a contía, algo máis duns 300.000 euros máis nesta ocasión, que non veñen sendo outros que os que se lle asignaron ao concello de Burela por parte da Deputación de Lugo no Plan Único, 150.000 euros destes como mínimo para obras e servizos. Non é que a deputación vaia investir case un millón de euros máis en Burela. É propaganda repetida que os gobernos de concello e deputación, ambos socialistas, nos venden coa adición dun Plan Único, proposto polo BNG e sacado adiante co apoio do BNG. Que non nos enganen.
Indo mais ó concreto, unha das pezas mais cobizadas do espectáculo son os vestiarios do campo de herba artificial da Marosa. Unha obra moi necesaria e que non chegou antes polos problemas xerados no goberno provincial polo desgoberno no PSdG. Que non nos enganen.
Tamén chama moito a atención unha partida de 32.000 euros para Feira do Libro, Feira do Bonito, Liga Galega de Traíñas e Festival Osa do Mar. Cantidades que semellan reducidas comparando co que se asignaba a este concello cando a parcela de Cultura e Deporte en Lugo era xestionada polo BNG. E falando de deporte, a deputación concedeu en 2017 algo mais de 160.000 euros ó CD Burela FS con dous equipos, un deles feminino, en primeira división, mentres repartiu un millón de euros entre tres equipos da capital provincial que militan en segundas categorías do deporte estatal. Que non te enganen.
Semella que salta a polémica na nosa vila sobre a peonalización dalgunhas rúas (polo que puidemos saber ate o momento, trátase dun pequeno tramo dunha rúa). Para este cometido, enténdense que o equipo de Alfredo Llano empregará o Plan Único, pero cando se lle preguntou no Pleno cales ían ser as medidas concretas non soubo definir absolutamente nada, tendo en conta que debe presentar as propostas para optar a ese diñeiro no prazo dun mes.
As zonas acondicionadas para o tránsito de persoas nas vilas melloran a calidade de vida das mesmas e deste xeito o tecido comercial e turístico desenvólvese. O beneficio é común. Pero non pode confundirse o interese xeral co interese duns poucos. Porque de Burela tamén forman parte Vilar ou a Vila do Medio, con severas carencias, que tamén atopamos noutras rúas moito máis céntricas. Para solucionar todo iso, técnicos expertos na materia deben realizar estudios serios que rematen nun plan integral. Que non nos enganen.
Mario Pillado Mon
Voceiro BNG Burela
López agradeceu á Academia Galega do Audiovisual por escoller Lugo e destacou a importancia do evento para visibilizar o talento local e o apoio provincial ao sector. A gala contou cunha ampla representación lucense: Nuno Pico e Xaime Miranda polo videoclip Antes fun moi malo; Fran Fórneas e Sergio Marey por Ferido do Xoán; Sabela Ramil e Andrea Mesa por Non cho podo dar; o dúo Fillas de Cassandra; e o burelés Breixo Llano, do equipo de Cos pés na terra. Ademais, a película Sirāt, do naviego Oliver Laxe, foi unha das grandes favoritas con 14
A proposta combina imaxes e historias, con contidos novos e outros xa coñecidos, sempre cun humor moi persoal. A función está recomendada para maiores de 14 anos. As entradas, cun prezo de 5 euros, poderán adquirirse no despacho de billetes desde unha hora antes do inicio. O evento conta coa colaboración do Concello de Burela, a Xunta de Galicia, a Agadic e a Rede Galega de Teatros e Auditorios.
O acto institucional, celebrado este venres, contou coa participación da directora xeral de Igualdade do Principado e coa música de Clandestías.
Habilitarase o Rego das Flores. Desde o Concello recoméndase á cidadanía ter en conta esta incidencia nos seus desprazamentos mentres se manteña a restrición.
A cita celebrarase en Burela entre os días 4 e 6 de setembro, e xa están confirmadas preto dunha ducia de actuacións, entre elas as de Arume, Depedro, Éxtasis, Gara Durán, Juventude o La Milagrosa. O Goberno galego vén cooperando cos organizadores do festival, “que alcanza a súa duodécima edición consolidado como un motor de dinamización económica y cultural para a localidade”, afirmou Arias.
O presidente, José Luis Sáez, agradeceu o apoio da empresa, clave para reforzar os equipos nesta segunda volta e garantir a continuidade da entidade, que segue loitando pola permanencia en Primeira División Iberdrola e Segunda División.
Será un concerto acústico e intimista, pensado para gozar da súa música nun formato próximo. Entrada libre ata completar aforo.
