Corren tempos de preocupación para a continuidade da sanidade pública tal e como a coñecemos na Mariña de Lugo. O anuncio feito pola Conselleira de Sanidade no mes de xuño sobre a centralización das xerencias das áreas sanitarias provinciais nunha única en Lugo fixo saltar as alarmas dos colectivos sociais, laborais e políticos da nosa comarca, así como de moitas persoas non integradas en ditos colectivos. As primeiras reaccións fixéronse polos colectivos de xeito individual, pero desde o mes de outubro xuntáronse nunha plataforma de carácter comarcal que loita polo mantemento da xerencia autónoma na área sanitaria de A Mariña.
As primeiras mobilizacións desta Plataforma en Defensa da Sanidade Pública na Mariña obtiveron como resultado o compromiso da Xunta de que ás áreas sanitarias non desaparecerían e manteríanse como están agora. Pero este anuncio “tranquilizador” é, de certa maneira, un tanto ambiguo. Aquí é onde se produce a confusión nos cidadáns de a pé que descoñecen a diferenza dos conceptos manexados para a organización do sistema sanitario. Evidentemente a área sanitaria como CONCEPTO TERRITORIAL non pode desaparecer de ningunha das maneiras, xa que se trata da área de influencia dun hospital, é dicir, o conxunto de concellos de A Mariña que son atendidos polo Hospital da Costa de Burela. Pero nada se di sobre se o Hospital da Costa de Burela vai manter a súa xerencia propia, é dicir, a súa capacidade de DECISIÓN SOBRE OS RECURSOS materiais e humanos que precise para desenvolver a súa actividade. A pesar das preguntas da Plataforma e dos diversos colectivos, tanto por escrito como de xeito verbal, nada se nos responde a se a xerencia se vai manter ou, polo contrario, se vai centralizar en Lugo. Todo parece indicar que vai ocorrer o último, é dicir, que haberá un único xerente para toda a provincia que será o encargado de repartir os fondos entre os tres hospitais que incorporarán a futura área de xerencia, e, claro está, haberá que establecer prioridades. Haberá un hospital xeral en Lugo que se prevé sexa un dos mellores de Europa e dous hospitais comarcais, está claro que, se hai que cubrir unha praza en cada hospital e só hai unha persoa, a praza que se cubrirá será a do maior hospital.
Para defender os dereitos dos cidadáns da Mariña como usuarios da sanidade pública é polo que nace a Plataforma, para unificar as peticións dos colectivos sociais, laborais e políticos da nosa comarca. Ten que quedar claro que non se trata dunha cuestión política, se non dunha cuestión CIDADÁ, tampouco se trata dunha cuestión de reivindicación laboral dos traballadores, se non dunha cuestión dos USUARIOS, reais ou potenciais, directos ou indirectos, do Hospital da Costa. Por iso debemos xuntarnos todos como cidadáns para reclamar o que é noso, para reclamar que se manteña o que tanto nos custou conseguir, para non perder os nosos dereitos. Debemos recordar que A Mariña é unha comarca cunhas circunstancias especiais e concretas favorecida pola descentralización dos servizos e da administración: por tanto, unificar as xerencias dos hospitais en Lugo suporía unha volta ó pasado, unha volta a hai case trinta anos a cando nos tiñamos que desprazar para a obtención de respostas sanitarias. Está claro que a día de hoxe non podemos saber cales serán as consecuencias, pero tamén está claro que, con toda probabilidade, o que agora temos acabarase perdendo e cando isto suceda non haberá volta atrás.
Fátima Rodríguez Moreda e Presidenta da Asociación de Veciños “O Castro” de Foz
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
