Burela, 26 de abril de 2017. A Escola Municipal de Música de Burela propón varios obradoiros que se levarán a cabo dende hoxe, 26 de abril, e ata finais de curso. A Aula Vogal pasou esta mañá polos IES Perdouro e Monte Castelo para achegar ao alumnado a esta actividade.
Hoxe a Aula Vogal presentou nos IES Perdouro e Monte Castelo o obradoiro vogal cun concerto a cargo de alumnos e profesores da Escola, para todos os rapaces dende 12 anos, e público en xeral, que queiran aprender a cantar e disfruten desa actividade totalmente gratuíta.
Segundo explica o director da Escola, Xan Carballal, “no programa figuraban lieds, cancións napolitanas e mesmo algún número de zarzuela. Realizáronse catro quendas para facilitar a asistencia dos diferentes cursos e para tratar de interferir o menos posible na xornada lectiva habitual”.
Carballal contou que “o concerto tivo moi boa acollida xa que previamente houbo contacto entre os mestres de música de tódolos centros para que os rapaces puideran coñecer repertorio e estilos musicais antes da presentación por parte da Escola de Música”.
Para inscribirse no obradoiro deberán cumprimentar unha folla de inscrición que foi facilitada nos institutos e que tamén poden cubrir o resto dos interesados na Escola de Música o día da presentación de dito obradoiro, que será hoxe mércores, ás 16:00 horas ou tamén ás 21.00 horas. Será o primeiro encontro deste obradoiro vogal, no local da Escola Municipal de Música.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
