Mondoñedo, 28 de abril de 201.- A alcaldesa de Mondoñedo, a popular Elena Candia, participou na presentación da III KDD multimarca, unha proba automobilística que se celebrará mañá na localidade e coa que colabora o Goberno municipal. A saída do percorrido polas rúas de Mondoñedo farase ás 19:00 horas da Praza da Catedral.
A organización conseguiu que a Confitería A Alianza de Mondoñedo regale tartas aos participantes a modo de obsequio. Tamén se fará unha parada en O Rei das Tartas de Pedrido para realizar unha degustación.
Sete premios
Este ano a proba outorgará sete premios, entre eles, ao coche que veña de máis lonxe, á muller máis Racing, ao coche mellor preparado. A estes premios súmanse outros tres para a proba de ruído, que consiste no nivel de decibelios que solta un tubo de escape. Tamén se distinguirá ao coche máis coidado, tanto en limpeza como en tratamento do vehículo.
A inscrición nas probas é totalmente gratuíta. O percorrido será de 25 quilómetros, traxecto no que colaborará a Policía Local e Protección Civil de Mondoñedo.
Colaboran no evento Lucus Detail, tratamento de carrocerías e limpieza de vehículos, Caviauto, profesionais en electricidade e equipos de música e alarmas para vehículos e Repair y goo, profesionais en lunas de vehículos e tratamento de cristais de coches.
Os organizadores da proba destacan o apoio do Concello de Mondoñedo como “fundamental” tanto para a colaboración de subministro de vallas, Policía Local, Protección Civil e accesorios para o evento del drifting; demostración e condución de coches a escala 1/10 eléctricos en circuíto para o desfrute de grandes e dos pequenos da casa. Estes coche estarán fóra durante todo o día realizado exhibicións enfronte da Fonte Vella de Mondoñedo. Poderán ser usados polos nenos e nenas que queiran de balde.
A entrega de premios terá lugar ás 20:00 horas, momento no que se iluminará a Catedral.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
