Nota de Prensa
O portavoz de Mar do Grupo Popular remarcou que o proxecto de lei aprobado hoxe polo Pleno do Parlamento conta co apoio explícito do Consello Galego de Pesca, ao contrario que o texto elaborado polo Bipartito, que o impuxo “de costas ao sector”
BALSEIRO SALIENTA QUE A REFORMA DA LEI DE PESCA É A EXPRESIÓN LEGAL DO COMPROMISO DO GOBERNO DE NÚÑEZ FEIJÓO, “QUE QUERE SER ALIADO” DO SECTOR, CO QUE FOI CONSENSUADA
* A nova Lei introduce unha serie de melloras, entre as que o deputado popular resaltou a recuperación do papel que lles corresponde ás confrarías, a posta a cero dos contadores das concesións sobre as bateas, a estensión da vixencia do permex pola vida útil da embarcación, a recuperación do Servizo de Gardacostas, o desbloqueo do futuro acuícola e piscícola de Galicia ou a protección dos produtos pesqueiros e marisqueiros galegos.
* Balseiro lamentou que os partidos da oposición non se esforzaran por acadar o consenso respecto á reforma, dado que o PSOE presentou emendas parciais “nas que pedían a supresión de todos os artigos que nós reformábamos” e o BNG “fixo o propio, no desexo de desvirtuar o papel das confrarías, da posta a cero do contador das concesións bateeiras ou na supresión do Servizo de Gardacostas de Galicia”.
Santiago, 9 de decembro de 2009.- O portavoz de Mar do Grupo Parlamentario Popular de Galicia, José Manuel Balseiro, salientou hoxe, na sesión plenaria da Cámara, que a reforma da Lei 11/2008, de Pesca de Galicia, é a expresión legal do compromiso do Goberno de Núñez Feijóo, “que quere ser aliado” do sector, co que foi consensuada. Un sector que “para nós, como para a inmensa maioría dos galegos, constitúe signo da identidade de Galicia” e que, ademais, é “estratéxico na nosa economía polos centos de miles de empregos que, directa e indirectamente, contribúe a xerar”. Malia todo, o sector non foi “suficientemente considerado nin apoiado polo anterior Executivo bipartito, que afondou no seu abandono en tempos de crise”.
Balseiro remarcou que o proxecto de lei aprobado hoxe polo Pleno do Parlamento conta co apoio explícito do Consello Galego de Pesca, ao contrario que o texto elaborado polo Bipartito, que o impuxo “de costas ao sector”. O novo Goberno, indicou, “foi quen de consensuar, acordar, compartir o deseño da ferramenta indispensable para que, no noso mar, polo menos poidamos falar de futuro”. Pola contra, engadiu, os partidos da oposición “cando tiveron responsabilidades de Goberno non só acabaron por impoñer, sen ningún tipo de autocrítica, un texto de costas ao sector, senón que ademais converteron en lei unha serie de cuestións que contaban co rexeitamento unánime do Consello Galego de Pesca”.
MELLORAS
A nova Lei introduce unha serie de melloras, entre as que o deputado popular resaltou a recuperación do papel que lles corresponde ás confrarías, a posta a cero dos contadores das concesións sobre as bateas, a estensión da vixencia do permex pola vida útil da embarcación, a recuperación do Servizo de Gardacostas con medios operativos as 24 horas do día os 365 días do ano, o desbloqueo do futuro acuícola e piscícola de Galicia ou a protección dos produtos pesqueiros e marisqueiros galegos. “Cremos e queremos nun sector forte e organizado”, indicou Balseiro, “porque a nosa pretensión non será nunca, como foi a doutros, a de controlalos ou silencialos”, e “contra a división, a belixerancia, a guerra e o desprezo que no pasado infundía a Xunta bipartita no sector bateeiro, hoxe tan só falamos de futuro, de ser máis útiles, de facer que a Xunta, e a lei, non se converta nun obstáculo”.
Balseiro lamentou que os partidos da oposición non se esforzaran por acadar o consenso respecto á reforma, dado que o PSOE presentou emendas parciais “nas que pedían a supresión de todos os artigos que nós reformábamos” e o BNG “fixo o propio, no desexo de desvirtuar o papel das confrarías, da posta a cero do contador das concesións bateeiras ou na supresión do Servizo de Gardacostas de Galicia”. Para o Grupo Popular, “unha vez máis, se están a equivocar as forzas da oposición amosando a súa belixerancia ante a reforma da Lei de Pesca”, demostrando que “nada teñen aprendido do seu paso ata a oposición, nin tan sequera foron quen de facer algo de autocrítica”.
Para o deputado, “o mundo do mar recupera o seu protagonismo” coa reforma da lei, que “constitúe a garantía e o apoio fundamental para o seu futuro”.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
